انا سني 26 سنه كنت بشتغل في شركة مواد غذائية كبيرة تحت المدير على طول وهو كان صاحبها واكبر مني بعشرين سنه .......
المهم حصلت صداقة بيني وبين المدير بتاعي بس في حدود الاحترام جدا وهو كان عارف اني محترمة وبتاعت ربنا وبصلي دايما وقريبه من ربنا ....... عدى وقت كتير واحنا كده مثلا اكتر من سنه وانا بتعامل معاه زي ابي او اخي الكبير ودايما لما يقولي ادعيلي يا ***اقوله ربنا يكرمك ويخليلك مراتك وعيالك ويباركلك فيهم
حصلت مشكلة وصحته اتبهدلت شوية رحت زرته في المستشفى لقيته بيشتكي من زوجته ومن ولاده انهم راميينه ومش سألين فيه وهما السبب وكل واحد فيهم عايش حياته و هو مش فارق معاهم المهم خف وخرج من المستشفى ورجع الشركة وفي الوقت ده كان مخليني انا مسؤلة عن حاجات كتير اوي هو اللي كان بيعملها وكان بيقولي خلاص انا بقيت تعبان ومش حقدر اشتغل زي الاول وان انا حعمل شغل زيادة وحيزود مرتبي الضعف طبعا فرحت جدا لاني حتحمل مسؤليه زيادة وفي نفس الوقت مرتبي حيزيد وحكبر في المكان ده
جه يوم قاللي انه طلق مراته خلاص وانه عايش لوحده دلوقتي بعيد عنهم طبعا انا زعلت جدا وعاتبته وقلتله مايصحش اللي حصل وانا ممكن اكلمها و اعقلها وابين لها غلطها قاللي مفيش فايده وقاللي لو كلمتيها حتقول ان انتي السبب واني انا طلقتها عشانك استغربت جدا وقلتله ايه اللي بتقوله ده دي اكبر مني بكتير وبعدين انت في مكانه ابويا الله يرحمه ازاي حتقول كده بس قاللي هي مخها يوصلها لانها تقول كده عدى اكتر من اربع شهور وطول المده دي وانا بعقله عليها وبتحايل عليه يرجعها وهو مفيش فايدة بعدين تعب تاني وقعد كذا يوم مش بيجي الشغل ويتصل يقول انه تعبان وانا عارفه انه قاعد لوحده كنت بتصل اسال عليه كل شوية لان المرض اللي عنده محتاج دعم نفسي وانا كنت بحاول اساعده في الموضوع ده
اول ما بقى كويس ورجع قاللي انا مش حينفع اقعد لوحدي تاني خلاص انا محتاج حد ياخد باله مني قلتله رجع مراتك قاللي كانت اخدت بالها قبل كده ,عرض عليا الجواز طبعا بعد كل المعامله دي بصراحه مشاعري اتغيرت وبقيت افكر فيه كراجل مش اخ واب بس صليت استخاره ووافقت وقلتله اني موافقه بس بشرط تكون فعلا مش حترجع لزوجتك وفعلا كل واحد فيكوا حيعرف يعيش حياته بعيد عن التاني و مانعملش فرح في قاعه نعمله في مسجد لقيته وافق بشدة وقاللي ياريت عشان انا اهلي مش حيتقبلوا اني اتجوز تاني لانهم عايزيني ارجع مراتي وده مستحيل ليا وليها
اتجوزنا وفضلت اشتغل لحد ما حملت وقعدت من الشغل وعمري ما شفت منه غير كل حب واهتمام بادق التفاصيل وكان بيراعي ربنا فيا بشكل غير طبيعي غير الحب اللي كان بيحبهولي ومتعلق بيا بشكل لا يوصف ومفيش حاجه بطلبها غير ما الاقيها
من اسبوعين تقريبا لقيته بيقولي انه مسافر عشان يتابع حالته ويعمل فحوصات قلتله ماتعملها في مصر قاللي لا مش حينفع عشان الدكاتره هنا فيهم وفيهم بعدها بيوم لقيت واحده بتتصل عليا في البيت وبتقولي انها اخت جوزي وانها عايزة تتعرف عليا عندي لاني مش بقدر اخرج من البيت بسبب الحمل وعرفتها العنوان
وهنا جت الصدمه عرفت منها انه ماطلقش مراته ولا حاجه وان ولاده مسافرين بره عشان يكملوا الدراسه عشان هما معاهم شهادت IG وحيكملوا جامعه بره وانها سافرت معاهم وهو اللي اصر انها تسافر عشان تاخد بالها من الولاد وانها مكانتش موافقه ع السفر اصلا وطبعا هو سافر لهم ومفهمني انه رايح يكشف
قلتلها انتي ليه ماقلتليش الكلام ده م الاول قالتلي انا لسه عارفه اصلا انه متجوز قبل مايسافر بيوم لانه اتصل بيها وقالها عشان لو حصله حاجه هي تبقى عارفاني وعارفه ابني وتاخد بالها مننا
دلوقتي بقى انا مستنيه ينزل عشان اطلب الطلاق بس مش عارفه ده صح ولا غلط بعد ماحملت خصوصا اني بحبه اوي اوي و برضه مش عايزة اظلم مراته التانيه بس اخته برضه فهمتني انها فعلا مش مهتمه بيه اوي وانها اهملته في اخر كام سنه وهو ده اللي دفعه للجواز تاني بس وهو عارف اني عمري ماكنت حوافق اني اتجوز راجل متجوز
هو بيتصل بيا وانا مش بقوله حاجه وعاملة نفسي مش عارفه لحد ما يرجع بس هو حاسس ان فيه حاجه
ساعدوني وقولولي اعمل ايه لما يرجع اطلب الطلاق ولا ارضى بالامر الواقع واسكت واعيش طول عمري في نار الزوجه التانيه وانتوا فاهمين قصدي طبعا وعمري ماحخليه يطلقها لان هي الاصل للاسف وانا التانيه بس هو خدعني وعلى فكرة انا قبل الجواز كنت عايشه مع والدتي لوحدنا لان اخواتي كلهم مسافرين الخليج ومتجوزين وانا اصغرهم وابويا ميت حتى محدش فيهم نزل يحضر فرحي لسه حيرجعوا ف شهر 8
المهم حصلت صداقة بيني وبين المدير بتاعي بس في حدود الاحترام جدا وهو كان عارف اني محترمة وبتاعت ربنا وبصلي دايما وقريبه من ربنا ....... عدى وقت كتير واحنا كده مثلا اكتر من سنه وانا بتعامل معاه زي ابي او اخي الكبير ودايما لما يقولي ادعيلي يا ***اقوله ربنا يكرمك ويخليلك مراتك وعيالك ويباركلك فيهم
حصلت مشكلة وصحته اتبهدلت شوية رحت زرته في المستشفى لقيته بيشتكي من زوجته ومن ولاده انهم راميينه ومش سألين فيه وهما السبب وكل واحد فيهم عايش حياته و هو مش فارق معاهم المهم خف وخرج من المستشفى ورجع الشركة وفي الوقت ده كان مخليني انا مسؤلة عن حاجات كتير اوي هو اللي كان بيعملها وكان بيقولي خلاص انا بقيت تعبان ومش حقدر اشتغل زي الاول وان انا حعمل شغل زيادة وحيزود مرتبي الضعف طبعا فرحت جدا لاني حتحمل مسؤليه زيادة وفي نفس الوقت مرتبي حيزيد وحكبر في المكان ده
جه يوم قاللي انه طلق مراته خلاص وانه عايش لوحده دلوقتي بعيد عنهم طبعا انا زعلت جدا وعاتبته وقلتله مايصحش اللي حصل وانا ممكن اكلمها و اعقلها وابين لها غلطها قاللي مفيش فايده وقاللي لو كلمتيها حتقول ان انتي السبب واني انا طلقتها عشانك استغربت جدا وقلتله ايه اللي بتقوله ده دي اكبر مني بكتير وبعدين انت في مكانه ابويا الله يرحمه ازاي حتقول كده بس قاللي هي مخها يوصلها لانها تقول كده عدى اكتر من اربع شهور وطول المده دي وانا بعقله عليها وبتحايل عليه يرجعها وهو مفيش فايدة بعدين تعب تاني وقعد كذا يوم مش بيجي الشغل ويتصل يقول انه تعبان وانا عارفه انه قاعد لوحده كنت بتصل اسال عليه كل شوية لان المرض اللي عنده محتاج دعم نفسي وانا كنت بحاول اساعده في الموضوع ده
اول ما بقى كويس ورجع قاللي انا مش حينفع اقعد لوحدي تاني خلاص انا محتاج حد ياخد باله مني قلتله رجع مراتك قاللي كانت اخدت بالها قبل كده ,عرض عليا الجواز طبعا بعد كل المعامله دي بصراحه مشاعري اتغيرت وبقيت افكر فيه كراجل مش اخ واب بس صليت استخاره ووافقت وقلتله اني موافقه بس بشرط تكون فعلا مش حترجع لزوجتك وفعلا كل واحد فيكوا حيعرف يعيش حياته بعيد عن التاني و مانعملش فرح في قاعه نعمله في مسجد لقيته وافق بشدة وقاللي ياريت عشان انا اهلي مش حيتقبلوا اني اتجوز تاني لانهم عايزيني ارجع مراتي وده مستحيل ليا وليها
اتجوزنا وفضلت اشتغل لحد ما حملت وقعدت من الشغل وعمري ما شفت منه غير كل حب واهتمام بادق التفاصيل وكان بيراعي ربنا فيا بشكل غير طبيعي غير الحب اللي كان بيحبهولي ومتعلق بيا بشكل لا يوصف ومفيش حاجه بطلبها غير ما الاقيها
من اسبوعين تقريبا لقيته بيقولي انه مسافر عشان يتابع حالته ويعمل فحوصات قلتله ماتعملها في مصر قاللي لا مش حينفع عشان الدكاتره هنا فيهم وفيهم بعدها بيوم لقيت واحده بتتصل عليا في البيت وبتقولي انها اخت جوزي وانها عايزة تتعرف عليا عندي لاني مش بقدر اخرج من البيت بسبب الحمل وعرفتها العنوان
وهنا جت الصدمه عرفت منها انه ماطلقش مراته ولا حاجه وان ولاده مسافرين بره عشان يكملوا الدراسه عشان هما معاهم شهادت IG وحيكملوا جامعه بره وانها سافرت معاهم وهو اللي اصر انها تسافر عشان تاخد بالها من الولاد وانها مكانتش موافقه ع السفر اصلا وطبعا هو سافر لهم ومفهمني انه رايح يكشف
قلتلها انتي ليه ماقلتليش الكلام ده م الاول قالتلي انا لسه عارفه اصلا انه متجوز قبل مايسافر بيوم لانه اتصل بيها وقالها عشان لو حصله حاجه هي تبقى عارفاني وعارفه ابني وتاخد بالها مننا
دلوقتي بقى انا مستنيه ينزل عشان اطلب الطلاق بس مش عارفه ده صح ولا غلط بعد ماحملت خصوصا اني بحبه اوي اوي و برضه مش عايزة اظلم مراته التانيه بس اخته برضه فهمتني انها فعلا مش مهتمه بيه اوي وانها اهملته في اخر كام سنه وهو ده اللي دفعه للجواز تاني بس وهو عارف اني عمري ماكنت حوافق اني اتجوز راجل متجوز
هو بيتصل بيا وانا مش بقوله حاجه وعاملة نفسي مش عارفه لحد ما يرجع بس هو حاسس ان فيه حاجه
ساعدوني وقولولي اعمل ايه لما يرجع اطلب الطلاق ولا ارضى بالامر الواقع واسكت واعيش طول عمري في نار الزوجه التانيه وانتوا فاهمين قصدي طبعا وعمري ماحخليه يطلقها لان هي الاصل للاسف وانا التانيه بس هو خدعني وعلى فكرة انا قبل الجواز كنت عايشه مع والدتي لوحدنا لان اخواتي كلهم مسافرين الخليج ومتجوزين وانا اصغرهم وابويا ميت حتى محدش فيهم نزل يحضر فرحي لسه حيرجعوا ف شهر 8
