بنات حد جرب وصفة شيرين سيف النصر بتاعة الشعر ؟

هبة الله أحمد

فتوكة جديدة
بنات فضلت ادور لما لقيت الوصفة لانبات و تكثيف و منع تساقط الشعر الي قالتها شيرين سيف النصر على اكاونتها و على كتير من البرامج التلفزيونية ، الي كانت عبايرة عن:-
1. فنجال صغنن خل ابيض الي هو خل البصل العادي بتاعنا دة ،
2. فنجال صغنن خل بلسميك الي هو خل العنب ،
3. فنجال صغنن خل تفاح اورجانيك ،.
4. فنجال صغنن دبس رمان ،
5. فنجال صغنن عسل اسود ،
6. فنجال صغنن عسل نحل موثوق فيه،
7. فنجال صغنن زيت سمسم بينعم و بيجدد شباب و بيعالج و بيساعد على محاربة الشيب المبكر وانبات و تكثيف الشعر ،
8. فنجال صغنن زيت جوز هند اوجانيك او موثوق فيه بيجمد في درجة الحرارة المائلة للبرودة ،
9. فنجال صغنن زيت زيتون بكر مضموع عصر عالبارد ،
10. بعد الناس افتكس ا على لسانها بدل زيت جوز الهند زيت الخروع نفس المقدار فنجال صغنن زيت خروع بس انا ماسمعتهاش و لا شوفتها ابدا جابت سيرته فالله اعلم جايز في لقاء ماصادفنيش الحظ الجميل اني اشوفه هذا والله اعلى و اعلم ،
11. فنجال صغنن توم .
12. فنجال صغنن بصل ،
13. حوالي تلات معالق خردل بيطحنوا او زيت خردل دة ممتاز جدااااااااااااااااا لانبات الشعر خطييير ،
..
قالت بنضربهم كلهم في الخلاط علشان يتربوا ..قصدي ... هههه علشان يتمزجوا يتصفوا كويس و يتعملوا يوميا عالشعر ..
دة الي هي قالته بلسانها على قناتها الخاصة و قالت انه يفضل عالشعر من بالليل ننام بيه نصحى نفسله ....
.....
في صيدلانية قالت عن وصفة الفنانة شرين انها هاتحمل عالشعرة جامد و ممكن تئذي بصيلاتها و طبيا مافيش وصفة تقعد اكتر من ساعة و لازم تجزئة وصفتها على تلات وصفات ...
تجربتي بأة انا ،،
حرام علينا و خراب بيوت بدري لما نصفي دة كله هايطلع هالك مع الاياف فجتلي فكرة اننا بخليط انواع الخل المختلفة دول نضرب معاهم معالق حبوب الخردل لو مش هانستخدم زيته مع بصلتين صغننين مع تلات اربع فصوص توم كافي جدا كويس اوي بعدين يتصفوا على مصفة الشاي الكبيرة مرتين و التالتة يتحط مناديل مطبخ علشان تاكد تمام تصفية اي ذرة الياف لانها هاتدمر شعرنا و نعقدع في بغض وي القطن تمام و دة ماتقالش في الي وصفته شيرين و لا اي حد بس دة من خلال تجربتي ..
هايكون سائل زي الماية يخلي عنيكم تدمع شلالات نياجرا مالدموع معلش نستخملها شوية و الريحة بقى ماقلكوش بس برده فدى علاج شعرنا المسكين و تاج جمالنا ..
نحط بعدها المكونات السائلة و نضربهم ضرب مبرح في الخلاط الجميل دة هايمتزجوا و يتقلوا سيكة ..
استخدمت جزء و التاني مليت بيه زجاجة زيت زتون ازاي فارغة علشان مايتفاعلش مع البلاستك في التلاجة تتحط و من ضمن الحاجات الي ضربتها في الاول كنت ضفت شبت و كزبرة او مقدونس و حرجير في اول خطوة في اعداد الخلطة ..دة من عندي ..
وقبل كدة لما سبتها من بالليل للصبح شعري وقع اكتر فانا ناوية اخليها عالاقل ساعتين و لا خاجة حفاظا على ما تبقى من شعري المسكين ..
بس عن تجربة بتطري و تنعم الشعر و بتتقل الشعراية في كثافتها حلو جدا ..
و بتقول نشطف شعرنا بمنقوع الردة لان فيها فيتاميات فظييييعةةة للشعر دي انا مجربتهاش الصراحة ..
اليوم عمل اضافة الشبت و البقدونس و الجرجير تحتوا كيس اي كيس على شعركم المسكين دة و تحطوا عليه طاقية صوفاو اي طاقية حتى لو طاقية بابا نويل بتاعة البجامة اي حاجة او فوطة طويلة كبيرة و لفيها زي غفير العمدة .. ههه
مايجراش حاجة بعدين مش عارفة نغسل بشامبوا و لا بلسم و لا فقط نشطف بماء الردة و لا الماء شيرين مافهمتناش ايه في كلدة بس اضمنلكم اي حد جاي من جمب بيتكم هافتكره محل كشري معتبر ههههههه..
يا جدعان دي تجربتي اي حد جرب وصفة رجاء يقول عنها ايه عن تجربته ..
في انتظاركم يا فتوكات
 
التعديل الأخير بواسطة المشرف:
يمكنك أيضا مشاهدة المنتدى التاريخ
ا العناية بالشعر والبشرة والجسم 1
ع الموضوعات العامة 0
F الموضوعات العامة 0
م الموضوعات العامة 0
م الموضوعات العامة 0
م الموضوعات العامة 0
م الموضوعات العامة 0
Warda gamal مطبخ فتكات 0
Emi العناية بالشعر والبشرة والجسم 0
ا حوامل فتكات 2
نفسي اعرف فضفضة وتجارب واستفسارات 1
F الموضوعات العامة 1
F الموضوعات العامة 0
N فضفضة وتجارب واستفسارات 8
Α الموضوعات العامة 0

يمكنك أيضا مشاهدة