البنات اللي داخلين ع جواز بتشيلو شعر الجسم ب سويت كل قد ايه

المحتارة

فتوكة ونص
فتكات المحتارة

المحتارة

فتوكة ونص
فتكات المحتارة
اولا الف مليون مبرووك ياعروسة
♥️
♥️
♥️

اول حاجه الكوع والركبة تحطي جيلسرين ع ليمون وادهني وسيي شويا اعمليها يوميا وبعدها رطبي بكريم جليولسيد الاحمر ده عشانده بيفتح اصلا..
♥️

تاني حاجه السويت انتي بس اتأكدي ان معندكيش تكيسات مبيض عشان لو عندك جلدة الوزن مش هتروح بسهولة تعرفي منين هتلاقي طلعلك شعر ف اماكن غريبة زي دقنك مثلا حوالين سرتك كتير ف صدرك نفسه لو عندك شعر كتير ف الاماكن دي يبقي عندك نكيسات وعالجيها ضروري جدا عشان جلدة الوزن وعشان كمان بتأخر الحمل وانتي بتعالحيها او لو ان شاء الله طلع مفيش
♥️
تعملي يوميا اسكرب زيت زيتون وسكر قبل ما تعملي الاسكرب اغسلي رجلك بمياة سخنه لو انتي مش بتاخدي شاور انهاردة مثلا اغسلي رجلك كله بمياة سخنه واعملي الاسكرب ده او زيت جونسون وسكر او شاور جيل وسكر المتاح اعمليه بس افضل حاجه زيت زيتون نعومه رهيبة بعدها الشاورجيل حلو اوي تمام بعد ما تعملي الاسكرب ده وافركي رجلك كتير وتغسلي رجلك حطي اي زيت عندك جونسون او زيتون او جوز هند اي حاجه ادهني رجلك وبعدين حطي كريم كارمبيد وديبروساليك ع بعض بنسبة واحد لواحدة يعني كمية متساوية وادهني رجلك وبعدين لفي رجلك بكيس او استرتش الكريمات دي ب 20ج هتقضيكي مرتين بس وسيبي رجلك ملفوفة كدا لمدة 10 ساعات ولاحاجه لمدة اسبوعين حرفيا هتلاقي رجلك. بقيت منورة ومفيش جلدة وزة وهتدعيلي بس لازم تكوني عاملة سويت وابعدي تماما عن الشفرة عشان دي ازبل حاجه ف الكون ولازم تستحملي اسمعي مني لاني مجربة وبعد ما تخلصي الفترة ديه متسبيش رجلك كدا خلاص لا كل يوم يوميا ترطبي رجلك بكره مرطب وتعملي اسكرب السكر ده مرتين ف الاسبوع عشان متديش فرصة لجلدة الوزة ترجع تاني + كمان ده هيحلي رجلك ناعمه وبيضة اوي
♥️
♥️
وبالنسبة البيكيني هاني مرهم التراكاين ب 11 ج وادهني كتير اعملي طبقة سميكه كدا ع البكيني وحطي عليها كيس واستني ساعه او ساعه ونص كدا بس مش اقل من ساعه حرفيا مش هتحسي بحاجه خااااالص لما تيجي تشيلي عشان تعملي سويت متغسليش امسحي بمنديل
♥️

وبالنسبة لشعرك اعملي حمام زيت مرتين ف الاسبوع هتلاقي نتيجه تحفه ف التلات شهور دول اعملي زيت زيتون ع زيت جرجير ع زيت خروع وسيبهم ع شعرك 5 ساعات وبعدها اغسلي شعرك كويس وخطي حمام كريم بيخلي الشعر ناعم وحلو اوي وياستي لو مجبش نتيجه من هنا لتلات شهور اعملي بروتين بس لو مشيتي بالورقة والقلم ف كل اللي انا قولتلو حرفيا هترقصي م الفرحه
♥️
♥️

حاجه كمان يا بنات لوتقدرو تعملو حمام بخار ف البيت او تروحو حمام مغربي يبقي جميل او لو مفيش مقدرة الحمام المغربي هتعملي ف البيت ازاي .......
هتملي البانيو مياة سحنه بس لازم يكون ف سخان طبعا اقفلي بابا الحمام واملي البانيو مياة سخنه ع التخرج هتلاقي الحمام يتبخر جدا ادخلي بقي كبي مياة ع جسمك واقعدي شويا ف البخار ده والمياة شغالة بردو وبعدين اعملي الاسكرب بتاع السكر ده ع جسمك كله وبعدين بالليفة بقي هتخرج شمعه منورة غير كدا مبدئيا كدا انا مش هقولك احنا بشر والمفروض تحبي نفسك و ده العادي وان مفيش حد فينا كامل لأنك اكيد عارفه كل ده
♥️
انا هقولك حاجه تانيه مهمه خالص يمكن اكتر من اي منتج تجميل هنصحك بيه ......متركزيش اوي في عيوبك ،،عارفه ليه؟.. عشان في تخاطر كدا لا اراديا بينك وبين اللي قدامك بيبقى شايفك بعيونك احساسك تجاه نفسك بيوصل للي قدامك ،مش هقولك بقى علماء النفس قالو هقولك انتي عن نفسك كام مره بصيتي
في المرايا وحسيتي انك شكلك حلو و لما نزلتي شوفتي اعجاب من الناس؟..، طب كام مره بقى بصيتي في المرايا وانتي مش راضيه عن شكلك و بعدها لقيتي كومنتات سلبيه؟.... عارفه ليه! عشان هما وصلهم احساسك لا اراديا.......فـ اللي هتحطيه في دماغك تجاه نفسك هو اللي هيوصل لجوزك .. يبقى هنعمل ايه؟! ......=احنا قمر
 



يمكنك أيضا مشاهدة المنتدى التاريخ
ا فضفضة وتجارب واستفسارات 1
F مطبخ فتكات 0
M شكاوى المحتارة 4
H مطبخ فتكات 0
ا شكاوى المحتارة 5
د حوامل فتكات 0
ب شكاوى المحتارة 8
C عيادة فتكات 2
و العناية بالشعر والبشرة والجسم 4
ا شكاوى المحتارة 9
ا شكاوى المحتارة 3
N فضفضة وتجارب واستفسارات 8
ا شكاوى المحتارة 3
Α الموضوعات العامة 0
و الموضوعات العامة 0

يمكنك أيضا مشاهدة