ازاي مع الزوج اللي كل ما اعاتبه علي حاجه غلطان فيها يقلب عليا الترابيزه

المحتارة

فتوكة ونص
فتكات المحتارة
يا بنات بتتعاملو ازاي مع الزوج اللي كل ما اعاتبه علي حاجه غلطان فيها يقلب عليا الترابيزه ويقولي وطي صوتك واتكلمي عدل وانا بتكلم عادي والله وبصوت واطي ويقولي هش واسكتي واكلمه ميردش عليا ويتقمص بالايام عشان تعبت
 

Mariam MOo

فتوكة ونص
اولا اتأكدى ان طريقتك صح فى التعامل يمكن تكونى فعلا بتعامليه بطريقه تدايقه وانتى مش واخده بالك
ثانيا ادعيله بالهداية دايما
ثالثا قوليه طيب وطيت صوتى وبتكلم بهدوء اهو ممكن نرجع لمرجوعنا بقى واتكلمى فى الموضوع معاه بهدوء عشان تقدرى تطلعى بنتيجة
رابعا تاكدى انتى لما تكلميه تختارى الوقت المناسب ميكونش لسه راجع من مشكلة او لسه راجع من الشغل وتعبان او فى عنه مشاكل بصفه عامة فى حياته ابعدى عن الاوقات دى عشان لو اتكلمتى معاه وقتها مش هتستفادى حاجة غير عصبية ومشاكل بينكم وكمان لازم تختارى طريقة الكلام متاخديش وضعية الهجوم ..زى مثلا انت أزاى تعمل كذا وكذا ...استبدليها مثلا بأنك تقولى (بصراحة يامحمد (مثلا)انا مش معاك فى الى انت عاملته فى موضوع كذا انت لو كنت عملت كذا كان هيبقى افضل وتوضحيله افضل ليه...الى هو تحولى الموضوع لمناقشة بهدوء من غير عصبية
خامس حاجة بمناسبة انو بيخاصمك بالايام كنت سمعت الدكتورة هالة سمير كانت بتقول لما زوجك يخاصمك روحيله ومتخليهوش ينام زعلان وقوليله والله ما هاين عليا تنام زعلان بصرف النظر عن المشكلة مين الى غلطان فيها وتقوليله المرادى انا جيت صلحتك المرة الجاية انت الى تيجى تصالحنى...وتخلى فى ما بينكم قاعدة انكم متنموش غير لما تحلوا مشاكلكم
خلى بالك المراة الى زوجها بينام وهو غطبان عليها بتفضل الملايكة تلعنها حتى تصبح ودى فيها حديث صحيح عن النبى صلى الله عليه وسلم...فعشان كده لازم تحطى القاعدة دى دا غير انها هتريحكم انتو بشكل عام فى حياتكم

ارجو انى مكونش طولت عليكى وافدتك بحاجة ...أسال الله العلى العظيم انو يهديلك جوزك ويهديكى عليه ويهديكم ان الاتنين ويصلح حالكم ..اللهم آمين❤
 
يمكنك أيضا مشاهدة المنتدى التاريخ
ا فضفضة وتجارب واستفسارات 1
ا فضفضة وتجارب واستفسارات 3
ام عبدالرحمن ومصطفى فضفضة وتجارب واستفسارات 0
ريحانة عيادة فتكات 0
ا فضفضة وتجارب واستفسارات 8
ر فضفضة وتجارب واستفسارات 1
N الموضوعات العامة 0
ريحانة الموضوعات العامة 0
S حوامل فتكات 0
ز قصص وروايات 1
الله واكبر فضفضة وتجارب واستفسارات 0
ا فضفضة وتجارب واستفسارات 2
ا العناية بالشعر والبشرة والجسم 1
Hagar mo العناية بالشعر والبشرة والجسم 6
ا العناية بالشعر والبشرة والجسم 1

يمكنك أيضا مشاهدة