بتتغلبو ع وحدتكم فالسفر ازاي ياجماعه

المحتارة

فتوكة ونص
فتكات المحتارة
بتتغلبو ع وحدتكم فالسفر ازاي ياجماعه
خاصه اني مأجله الخلفه شويه
انا12 ساعه بقعد حاطه ايدي ع خدي لحد مازوجي يرجع كمان طبيعه شغله مافيهاش اجازات حتي الاعياد وايام الجمعهً مش اجازه
انا مابطلش عياط والله انا نسيت الكلام وتركيزي مابقاش موجود بقيت ساكته طول الوقت بس تعبانه من جوايا
جربت اتعرف ع مصريات جنبي للاسف بيطلوعو وحشين اوي اوي بجد ومش صافيين
يااما بيطلعو اكبر مني بكتير وبحس بفجوة عمريه رهيبه
مابرضاش اتكلم لان للاسف ف ناس نفوسها مريضه بتقولي اللي زيك بعيد ان زوجه وبينسو ان مفيش حاجه سهله سواء كنتي بعيد عنه او معاه ف الحالتين دايما ف حاجه ناقصه
حصلي مرة اجهاض ونا هنا لواحدي والموضوع ده تاعبني نفسيا وجسديا جدااا وعاملي قلق
تعديل انا فالسعوديه الدمام
 

المحتارة

فتوكة ونص
فتكات المحتارة
أقول لك على فكرة لطيفة، حاولي تعمليها وتستمتعي بيها.. في الأول هتبقى صعبة وتقيييييييلة عليكي أوي.. بس مش مهم.. اعملي مرة وكسلي مرات وارجعي اعملي تاني..
في الوقت الفاضي ده، حاولي تصلي كل الفروض اللي فاتتك قبل ما تنتظمي في الصلاة.. من غير أي إلزام عليكي بعدد معين ولا أي حاجة، بس حطي ده تارجيت قدامك وعايزة تخلصيه. وتبقي ضربتي عصفورين بحجر..
اقرأي قرآن كتيييير، صدقيني ربنا هيبعتلك اللي يناسبك واللي يملا وقتك وهيقرب بينك وبين زوجك وهيفتحها عليكم من وسع..
بس جربي
❤️
 

المحتارة

فتوكة ونص
فتكات المحتارة
ما تجربى تشغلى وقتك بدل ما تحطى ايدك على خدك يا تذاكرى حاجه بعد دراستك يا تدرسى حاجه جديده اونلاين
هى الحياه بعد الجواز مش تركيز طول الوقت مع جوزك يا تخلفى الحياه فيها جزء لازم يكون لنفسك بجد مش كلام وخلاص عشان تحسى انك عايشه على الاقل
 

Mariam MOo

فتوكة ونص
يا بنتى انا بجد محتاجة لو ساعة واحدة فاضية فى يومى هقولك مثلا ع افكار
١.مارسى هوايتك واطبعا دى انتى ادرى بيها ممكن تمارسى الرسم القراءة الكتابة ولو انتى مثلا بتحبى المشغولات اليدوية او ممكن تمارسى الرياضة ..اى حاجة
٢.اهتمى ببشرتك وبنفس واعملى روتين لبشرتك ولجسمك وطبعا مش محتاجة اقولك ان روتين البشرة دا محتاج وقتك كلوا لوحدو .انتى عشان تعملى مثلا روتين العناية (بضوافرك وشعرك وبشرتك وجسمك ورجلك)يعنى دا لوحده حوار اصلا
٣. جددى فى بيتك وف مطبخ وغيرى شكله عشان متحسيش بملل
٤.اتواصلى مع اصحابك فمصر ومفيش مشكله انك تتعرفى على اصدقاء فى الدمام انا متأكدة ان فى ناس كويسة خالص عندك
٥.خدى كورسات اى حاجة عل النت وخودى دورات ع تليجرام فى حفظ القرآن
٦.وأدى القرآن جزء كبير من يومك جزء سماعى وجزء قراءة وجزء حفظ

انتى لو نظمتى حياتك على كده مش هتلاقى اصلا وقت فاضى فى حياتك
 
يمكنك أيضا مشاهدة المنتدى التاريخ
اسماء احمد مطبخ فتكات 0
اسماء احمد مطبخ فتكات 0
ا فضفضة وتجارب واستفسارات 1
الاردن العناية بالشعر والبشرة والجسم 1
ا فضفضة وتجارب واستفسارات 1
ا فضفضة وتجارب واستفسارات 2
ا فضفضة وتجارب واستفسارات 0
ا فضفضة وتجارب واستفسارات 3
ام عبدالرحمن ومصطفى فضفضة وتجارب واستفسارات 0
A فضفضة وتجارب واستفسارات 1
nova تفسير الأحلام 0
No Na فضفضة وتجارب واستفسارات 9
ريحانة عيادة فتكات 0
ا فضفضة وتجارب واستفسارات 8
أ الموضوعات العامة 0

يمكنك أيضا مشاهدة