انا جايبة نجيلة صناعى فالبلكونة ليها مميزات وعيوب
مميزاتها شكلها جميل ومبهج وياسلام لو عليها شوية زرع صناعى او زرع طبيعى فى قصريات يبقي هتحسي اكن شقتك بقي ليها جنينه فعلا
مش بتلم نمل ولا حشرات لأنها بلاستيك ، الا لو وقعتى أكل عليها مثلا وكدة معرفش ع حسب منطقتك فيها حشرات كتير او لا
العيوب
خشنه تحت الرجل وبتشوك شوية يعنى مترتاحيش لو قاعدة عليها ، انا صليت عليها مرة مرتاحتش خالص ، لكن لو كراسي وحاطه رجلك بس تمام لكن لو هتنامى او تقعدى عليها مش مريحه
محتاجه تنظيف يومى او كل يومين تلاته عشان تفضل حلوة ، وف الشتا انا اهملت تنضيفها فلمالى كوم تراب مستنيه الصيف يخش وانضفها
فى ناس بتنضفها بالمكنسه ، بس انا حد مرة قالى التراب الصغير اوى دة ممكن يبوظ المكنسة فببنضفها ازاى ، إنى بقلبها بحيث التراب اللى عليها ينزل عالارض واكنسه ، وصاحب المحل قالى تتنضف بمقشه خشنه عادى ودة اللى كنت بعمله