bosy ahmed
فتوكة جديدة
عاوزه اخد رايكم في حاجه كده انا كنت متجوزه وانفصلت ومعيش اطفال واتجوزت جوزي معاه ولد وبنت مع مامتهم وقال الولاد هيكونو معانا شويه ومعاهم شويه وانا معترضتش ونقلت سكني وشغلي في بلد زوجي رغم أننا مكناش متفقين من الاول اني هعيش في بلده وكنت أجرت في بلدي جنب اهلي بس بعد لما لقيته تعبان بنا وكل شويه سفر نقلت عشان خاطره وعشان الولاد يكونو بين هنا وهنا زي ما اتفقنا وقعدت سنتين علي الوضع ده قصرت طبعا في شغلي قولت مش مهم الشغل المهن زوجي والاستقرار بس فجاه مع مجئ الولاد انا كل شويه اتعب وادخل المستشفي واقعد فيها مره جلطه ومره عمليه مراره وكنت حامل ومع المجهود في البيت لان كان حملي عزيز وكنت عامله ربط مع وجود طفلين كان مجهود عليا غير سفري كل شويه بلدي عشان شغلي المهم ابني نزل واتوفي وانا مبقتشي قادره علي مراعاة الطفلين ومامتهم موجوده ومتزوجه يعني انا حتي لو سبتهم ليهم ام بس انا احيانا ضميري بيتعبني أنهم هيكونو بعيد عن باباهم بس هو مش مقصر معاهم يعني كفلوس ودراسه ومراعية ليهم برضو بس من بعيد وباباهم شغله اصلا في سفر يعني هو كان بيسافر وانا كنت بقعد بيهم بس كان فعلا تعب عليا جامد ومفيش مساعده خالص انا الي بقوم بكل متطلباتهم فحاسه صحتي في النازل ومش عارفه استمتع بحياتي مع زوجي ولا ببيتي ولا بحاجتي الوقت الي هو موجود في في قلق كده وحبست حريه وطول الوقت انا يا بطبخ يابغسل يابذاكر ليهم وبالليل بكون مهدوده وبتابع شغلي فأنا خدت قرار اني خلاص مش قادره اكمل في الوضع ده بس خايفه من كذا نقطه اولا انا معيش اولاد وكانو هما برضو ونس ثانيا زوجي كنت بحسه بيغاملني كويس من معملتي لولاده فخايفه يتغير عليا ولو اتغير اعمل ايه وهل فعلا انا كده ظالمه رغم اني بقول هو انا الي اتجوزت وخلفت واطلقت ماماتهم عايشه حياتها ليه انا اتعب نفسي أدوني رأيكم بهدوء لاني مشتته وصعبان عليا الولاد برضو بس بجد انا صحيا معنتش قادره وباخد كميه علاج كتير جدا وامي ست كبيره بقول الوقت الي جوزي في مسافر هي اولي اني اروح اقعد معاها واخدمها
