تخنت اوي ونفسي اخس تاني

[سمسمة قلبي]

انا وزني زاد جدا بعد حملي الثالث كنت ٨٦ بقيت ٩٨ ونفسيتي زفت ومهما اعمل دايت مش بخس لان عندي ٣٩ سنه وبدا الحرق يضعف عندي اووي ..مافيش اي حد كان زيي وعرف يخس ياريت حد يقولي تجربته لاني بجد تعبت ويأست

 

[Aysel2022]

انا كمان نفسى تخس وزهقت من شكلى اوى وخصوصا انى تخنت فجأة وشكلى اتغير كمان

 

[sara17]

السلام عليكم
انا كان عندي صديقه ليا برضو كانت بتعاني من نفس المشكله هو الموضوع كله ان الانسان يخس مش فقط بانه يتمرن بل بانه ينظم التغذيه بتاعته لان التغذيه عباره عن 80% من الجسم السليم فا كل اللي عليكي تحاولي تعملي نظام جيد تمشي عليه تقللي عدد الكالوريز اللي انتي بتاكليها و كمان تتابعي ببرنامج تمرين كويس عشان تفضلي في لياقه و رشاقه باذن الله

 

[لولا سعيد]

تابعى دكتورة نيلى شمس على الفيس ممتازة وبتاكلى كل حاجه بس الموضوع عايز صبر انا زيك وهصبر

 

[Loujaine]

مفيش حاجة صعبة ، تفائلي خيرا ، و حاولي تأكلي الأكل كما خلقه الله ، بدون أي معلبات ، بداية من مرقة ماجي لحد الشبسيات أو السناكس المعلبة نحاول نتخلص منهم ، كلي خضار و خصوصا الورقيات ، و خلي نسبة البروتين أكتر
مثال
الافطار ملعقة عسل أبيض على الريق بعدها بنصف ساعة 2 بيضة مسلوقة مع ربع رغيف سن
الغداء صدر فرخة مشوية أو قطعتين لحم مشوية ، أو نصف كيلو سمك مشوي أو تونة بدون زيت ، مع ملعقتين مكرونة مسلوقة أو ملعقتين أرز ، و طبق سلطة كبير

العشاء بقى و ده وجبتي المفضلة زبادي و اعصري عليها نصف ليمونة زبادي اللي هي الحجم الوسط

راعي بقى شوية حاجات ، *بعد الغداء يفضل تمشي نصف ساعة على طول
حاولي تشفطي بطنك على طول طول اليوم
*اشربي مياة كتير اشربي مياة كتير اشربي مياة كتير
*بديل ملعقة عسل النحل الصبح ، كوب ماء عليه ملعقة خل التفاح ، و لكن طعمها صعب حبتين اوي بس حاولي بردو
/طبيعي اني نقع و نلخبط بس لو خربطنا مش مشكلة ، جل من لا يسهو ، بس لو لا قدر الله بوظنا نعمل مجهود كبير سواء جري أو نط الحبل ، *بلاش يوم فري أول شهر ، بلاش فري أصلا ‍
بس لو لا قدر الله خربطنا و حبينا يوم فري يبقى ناخد بالنا من الكميات بالله عليكي
الفاكهة حلوة بس افتكري لو كان حبيبك عسل ماتلحسوش كله ، يعني لو ثمرة فاكهة وسط اليوم تمام ، ثمرة فاكهة مش معناها بطيخة الله يرضى عليكي

حاجات نحاول نتجنبها و نحطها في. قايمة الممنوعات ، بطاطس ، قلقاس ، بطاطا ، مانجا ، تين ، بلح ، أنانس ، أي معلبات ، السكر بألوانه و أنواعه
و الله المستعان ، و انتي جميلة قلبا و قالبا ربنا يسعد فتيات و سيداتنا أجمعين

 

[sara esm3el]

ممكن تعملي تكميم معده هي الافضل في الوقت الحاله بس مكلفه شويه