الكلمة الطيبة مفتاح القلوب

[خطوة امل]

الكلمة الطيبة بتسحر القلب والعقل وبتطفى نار الكره بترسم الضحكة فى الوش وبترفع هرمون السعادة فى المخ وبتعلى من مستوى الطاقة الايجابية فى الجسم
واثبتت دراسات يابانية ان الشخص لما بيتقاله كلمة حلوة وطيبة بتزود عنده معدل السعادة بنفس النسبة الى بيشعر بيها لما ياخد هدية مبلغ مالى من حد
ودا بياكد حديث الرسول الكلمة الطيبة صدقة
الكلمة الطيبة زى الشجرة الى بتطرح ثمر وعكسها الكلمة الخبيثة زى الشجرة الى مفيهاش فايدة مثمومة
طيب مين اولى الناس ليكى فى بيتك عايز يسمع ومتعطش للكلام الطيب هما ولادك خدى كل يوم صدقات ببلاش من غير ماتتصدقى بفلوس
ارسلى ليهم وقت كلامك معاهم كلام طيب صدقات والله مجانية بس فعلى نيتك واحتسبى الاجر من الله
هما اولى حد لينا فى حياتنا محتاج كلمة ترفعه معنويا يعنى منتعاملش مع الناس برقى واحترام ونيجى مع ولادنا نعمل العكس
لما ابنك يقدمللك طلب قوليه شكرا وجزاك الله كل خير قوليله كل كلمات امدح والثناء
ابعتيله ماسج على التيلفون بدعوة حلوة منك
ادعيله قدامه على طول وسمعيه دعوتك
ولو عمل سلوك غلط عتبيه براحة وبهدوء وبلاش تزعقى فى وشه وتديله كلام سلبى مسموم
وفهميه الصح والغلط باسلوب راقى عشان يستوعب منك ويفهم وميحسش بالنفور من كلامك
انتبه يا امهات الكلمة الكويسة بتبنى صح اشكرى فى ولادك وامدحى فيهم قدام الناس وراعى نفسيتهم عشان رضا ربنا سبحانه وتعالى