حلمت انى كنت مع حد زميلي في الشغل اسمه مصطفى كنا في محل كبير وهو عمال يتكلم في الموبايل وانا كنت بسمع المكالمة فيقول ديه خطيبتي ، فالراجل في التليفون بيقوله خطيبتك ازاي وانت متجوز قاله ما انا متجوز وخاطب ، وبعدين سبته يكمل كلام وانا دخلت المحل بشوف ادوات مطبخ اطباق واطقم صيني و حاجات جهاز العروسة ، علما بإني مخطوبة في الحقيقة ، وبعدين المكالمة فصلت لانى بعدت عنه وشوية رجعت لقيته خلص مكالمة وقاعد مع اصحابي في عربية ، قولتله استنى هشتري حاجه كان في راجل واقف بعربية ترمس ودوم جه معايا مصطفى ده قلبت شوية في عربية الراجل معجبنيش حاجه مشترتش ومشيت , وركبنا العربية قعد يضحك وقالى الراجل قالي ازاي خطيبتك وانت قولت انك متجوز قولتله ما انا خاطب ومتجوز وقعدنا مبتسمين على الموقف انا وهو واصحابي .
بعدها روحت بيتنا لقيت ماما بتقولي في سمك في الفرن . علما بأن والدى ووالدتى متوفيين . وخطيبي كان في بيتنا بس قاعد في اوضه نوم بابا وماما وساكت خالص .
المهم قولت لماما والسمك ده من امتى قالتى ده من يوم الخميس فعليت صوتي علشان اسمع خطيبي الكلام . فبقولها الخميس والنهاردة الاتنين
يعني يعدى خميس وجمعة وسبت وحد ومتقوليليش ان في هنا سمك من اللى بحبه
طبعا ماما اضيقت انى صوتي عالي وقالتلي لسه هو كويس حتى شوفيه . رحت جبته فعلا لقيته صابح وطازة وجميل وكان سمك مشوي صغير بس كانه لسه معمول بس هو كان ساقع اكنه كان في الثلاجه مش الفرن .
قعدت اكل فيه واشيل طبقة القشرة بتاعت الشوي . وقولتلها احنا نغلط تقولوا ولاد اخر زمان
وانتوا تغلطوا منعرفش نقول ايه بقى او منتكبمش والله لقول لبابا لما يجي من الشغل . وكملت اكل للسمك . وخطيبي كان سامع كل الكلام وساكت خالص وباصص في الارض اكنه زعلان علما بأن اليومين دول هو زعلان فعلا وعنده مشاكل في الشغل .
وانتهى الحلم .
..................................
حلم عادي مش استخارة
وقت الحلم قبل ما اصحى بالظبط الساعة ٧ ص
مخطوبة
٣٤ سنة
موظفة
والدي ووالدتي متوفيين
.......................................
اسفة للإطالة واتمنى التفسير بالله عليكم .
وشكرا للمجهود المبذول.في ميزان حسانتكم يارب.
بعدها روحت بيتنا لقيت ماما بتقولي في سمك في الفرن . علما بأن والدى ووالدتى متوفيين . وخطيبي كان في بيتنا بس قاعد في اوضه نوم بابا وماما وساكت خالص .
المهم قولت لماما والسمك ده من امتى قالتى ده من يوم الخميس فعليت صوتي علشان اسمع خطيبي الكلام . فبقولها الخميس والنهاردة الاتنين
يعني يعدى خميس وجمعة وسبت وحد ومتقوليليش ان في هنا سمك من اللى بحبه
طبعا ماما اضيقت انى صوتي عالي وقالتلي لسه هو كويس حتى شوفيه . رحت جبته فعلا لقيته صابح وطازة وجميل وكان سمك مشوي صغير بس كانه لسه معمول بس هو كان ساقع اكنه كان في الثلاجه مش الفرن .
قعدت اكل فيه واشيل طبقة القشرة بتاعت الشوي . وقولتلها احنا نغلط تقولوا ولاد اخر زمان
وانتوا تغلطوا منعرفش نقول ايه بقى او منتكبمش والله لقول لبابا لما يجي من الشغل . وكملت اكل للسمك . وخطيبي كان سامع كل الكلام وساكت خالص وباصص في الارض اكنه زعلان علما بأن اليومين دول هو زعلان فعلا وعنده مشاكل في الشغل .
وانتهى الحلم .
..................................
حلم عادي مش استخارة
وقت الحلم قبل ما اصحى بالظبط الساعة ٧ ص
مخطوبة
٣٤ سنة
موظفة
والدي ووالدتي متوفيين
.......................................
اسفة للإطالة واتمنى التفسير بالله عليكم .
وشكرا للمجهود المبذول.في ميزان حسانتكم يارب.
التعديل الأخير:
