ساعدووونى

واحده واحده هايتأقلم
بس اهم حاجه ازرعي الحب ف البيت
بمعني لو اتعنفتي علي ابنك علشان بيعنف اخوه الصغير هايعمل معاه زي مابتعملي فيه بلظبط
لكن خديه بلحب زي مانا باعمل
ابني زي ابنك ٣ سنين ونص
وبنتي ٧ شهور
بنتي بتعيط بقوله تعالي نطبطب عليها هي صغنونه
مشكلة ابني لحد دلوقتي بيحط ايده ع وشها يخبط ع وشها ساعات يخبطها
بس مش عانيف اوي يعني ممكن اقوله هادخل الحمام خد بالك ع اختك
بياخد باله عليه بفضل الله بيجيب المخدات يفضل يحط كتير حوالين السرير علشان ماتقعش وبراقب تصرفاته
تكون بدأت تعيط وانا ف المطبخ
اقوله طبطب عليها وغنيلها او قولها ماما جايه دلوقتي
بس طبعا ماتعمليش كده لان ابنك لسه ٣ شهور صغنون
بس جمعيهم وفهميه اخوك انت اكبر منه انت تاخد بالك عليه
هو بيكبر حبه نونو حبه نونو وبعد كده لما يكبر شويه يلعب معاك
.
مش هاضحك عليكي الموضوع بيفضل مستمر بس صدقيني حسب اللي تغرزيه ف ابنك ناحية اخوه لأن الغيرة مش بأيدهم
بس بيقل العنف ع المولود بيقل جدا
ابني بيهبل كتير مع اخته بس عنفه قل عن الاول بزرع الحب جواه ناحيته وناحية اخته طول الوقت
امااانه ف رقبتك هاتتحاسبي عليها ماتعنفيش ابنك ماتضربهوش ولا تشتميه
والله الطفل مش بيكون فاهم هو ليه بيضرب اخوه الصغير الاطفال بيعبرو عن مشاعرهم ودي مشاعر غيره غصب عنه فا بيحس انه عايز يضربه اوووووو
بصي
ابني لما بنتي اتولدت
كان فاكر انه لما يضربها وتعيط هي كده بتلعب معاه
لانه بيزهق من الكائن الصغير اللي شاغل ماما طول الوقت ده
وهو كائن صغير مابيعملش اي حاجه لا بيقوم يلعب معاه ولا اي حاجه فا ابني لما لقي ان في رد فعل اللي هو عياط بنتي لما يخبطها او يضربها بقي يفضل يضحك وكأنه انبسط ان الكائن الصغير ده عمله رد فعل فا بقي ف الرايحه والجايه تلطيش
طبعا بقيت افهمه واحده واحده وبقيت استبدل حوار الضرب بأنه يضحكها ويلاعبها
هاتتعبي كتير بس صدقيني هاتلاقي نتيجة تعبك قدامك وساعتها هاتحسي ان تعبك وصبرك مارحش ع الفاضي
بلحب كل حاجه هاتكون حلوة قوليله بحبك كتييير احضنيه وحبيه وربنا يعينك ياقلبي و يهونها عليكي ويباركلك فيهم يارب العالمين ويبارك في اطفالنا جميعا