اماكن للخروج فى العيد

αyα

فتوكة ونص
المولات :

المول مكان ظريف جداً للخروج في العيد، لأنه غالبا بيكون مكان تقدر تخرج فيه الأسرة كلها، وكمان هتلاقي خيارات لا نهائية للمطاعم العائلية اللي تقدري تختاري منها المناسب لذوقكم ولميزانيتك، دا غير أن أغلب المولات بتوفر ملاهي أو مكان للعب للأطفال، ومن أشهر المولات «سيتي ستارز» و«صن سيتي» و«سيتي سنتر» وأركاديا و«مول العرب» و«أركان مول» في الشيخ زايد.

النوادى :

النوادي مكان مثالي للخروج في العيد، لأنها مكان آمن وقليل التكلفة ومتعدد الأنشطة، وسواء كنتِ مشتركة في نادي من النوادي الخاصة أو لأ فممكن تجربي نادي من النوادي أو الدور العسكرية اللي بتكون رسوم الدخول فيها رمزية، زي «دار المشاة» و«دار الدفاع الجوي» و«دار الهيئة الهندسية»، طبعاً بتكون في برامج خاصة للعيد وقعدات علي حمام السباحة، ووجبات تقدري تختاري منها ما يناسبك.

خروجات تعليمية وتثقيفية وتراثية :

ان الخروجات ليست مقتصرة فقط علي الجوانب الترفيهية، لماذا لا تجربي مكاناً مختلفاً في العيد، مثل «القرية الفرعونية» و«خان الخليلي» و«قلعة صلاح الدين» ومساجد القاهرة القديمة زي «جامع السلطان حسن» ومسجد «أحمد أبن طولون»، كمان في متحف «الفن الإسلامي» بوسط القاهرة، ومقتنياته تتجاوز الألف قطعة وغيرها من المتاحف.
كمان شئ مختلف جداً وظريف أنك تمتعي أولادك بتجربة تعليمية مختلفة في العيد، وتفهميهم أنه ليس بالضرورة ان تكن كل الخروجات أكل ولعب وبس، تقدري تعرفيهم أكثر عن عالم الحيوان في «حديقة الحيوان» في الجيزة، ايضاً «أفريكانو بارك» علي طريق مصر إسكندرية الصحراوي خروجةجميلة جداٌ، لأنك هتقدري تدخلي بالعربية بتاعتك وتدفعي رسوم علي السيارة بغض النظر عن عدد الأفراد اللي فيها، وفيها حيوانات كثيرة جداً متوحشة وأليفة، كمان هتاخدي أكلك معاكي، البارك بتفتح من 11 صباحا حتي الغروب.
«فجنون» في المريوطية مكان جميل تقضي فيه وقت مع الأولاد في العيد، في نشاطات كثيرةر جداً زي الطباعة والزراعة والرسم والتلوين والنحت والسجاجيد وركوب الخيل وأكل الفطير المشلتت والعسل والجبن وسط الحدائق الطبيعية، تكلفته معقولة 40 جنية شاملة نشاطين وأي نشاط إضافي بـ 15 جنية، ايضاً «أكاديمية أجياد للفروسية» في 6 أكتوبر وبها قعدات للعائلات وحمام سباحة ومكان للشوي وركوب خيل، وتقدري تأجري شالية ليوم واحد «Day Use»، وفي ملاعب كرة قدم وسلة وصالة للرماية وتنس طاولة وأنشطة متميزة مثل الرسم علي الرمال والفخار والسجاد اليدوي والتلوين علي الزجاج، الحجز بيكون بالتليفون ومسموح اصطحاب المأكولات.

مسرح العرائس في ميدان العتبة بيقدم عروض جميلة للأطفال، بس لازم تتصلي الأول وتعرفي أكثر عن العروض ومواعيدها.

لو نفسك تعيشي تجربة شيقة و غامضة ممكن تزوري قصر البارون في مصر الجديدة والدخول مجاني من 8 صباحا إلي 9 مساء.

أخيراً وليس أخراً «Discovery City»في 6 أكتوبر قبل «دريم بارك»، وهي مدينة علمية استكشافية يُعرض فيها أفلام علمية مميزة ومجسمات الحيوانات، وفيها متاحف مختلفة مثل «متحف علوم الفضاء» و«متحف الأحياء المائية والبرية» و«المتحف الجيولوجي»، وأكيد هتكون تجربة لا تنسي.

خروجات ترفيهية :

من الخروجات الترفيهية الجميلة «السيرك القومي» بالعجوزة، وهو بيقدم عروض الأسود وعروض بهلوانية مميزة.

بالنسبة للأطفال أكيد لا يوجد أمتع من خروجة الملاهي، مثل ملاهي «السندباد» في شيراتون أو ملاهي «وندر لاند» في مدينة نصر، بالإضافة لملاهي
«Magic Galaxy» في مول سيتي ستارز، وملاهي «دريم بارك» و«جيرو لاند».
البرج تجربة ممتعة ومميزة، وخصوصا لو هتجربي التلسكوب من فوق
. «Wacko City» مكان مختلف وممتع للكبار والصغار يلعبوا فيه ماتشات بكور الصابون، ومكانه في مدينة العبور بجوار «جيرو لاند».

أهم شىء في العيد أننا نستمتع بوقتنا حتي لو كنا هنقضي العيد في البيت، ومفيش مشكلة أننا نفكر في حلول مختلفة زي الخروجات اللي أتكلمنا عنها، أو حتي أننا ناخد الأولاد في رحلة خيرية لزيارة دار أيتام أو دار للمسنين أو مستشفي، ونأخد معانا هدايا بسيطة ندخل بيها السرور علي قلوب من هم أقل حظا منا في العيد.

حجز فنادق من خلال موقع بوكينج لاى مكان داخل مصر :

http://u22u.net/hotels

كما يمكنك التواصل مع دليل المسافر اذا كنت بحاجة الى اى استفسار فى السياحة والسفر :

https://www.facebook.com/Voyager.Guide.Arabia
 
يمكنك أيضا مشاهدة المنتدى التاريخ
F الموضوعات العامة 0
F الموضوعات العامة 1
F الموضوعات العامة 0
F الموضوعات العامة 0
F الموضوعات العامة 0
F الموضوعات العامة 0
F الموضوعات العامة 0
F الموضوعات العامة 0
F الموضوعات العامة 0
F الموضوعات العامة 0
Α الموضوعات العامة 0
F الموضوعات العامة 1
F الموضوعات العامة 0
F الموضوعات العامة 0
F الموضوعات العامة 0

يمكنك أيضا مشاهدة