اصعب ايام وانا لسه صغيرة اصلا

ام يونس

فتوكة جديدة
السلام عليكم ورحمه الله وبركاته
انا اول مره انشر هنا بس نفسي اتكلم مع حد ويقولي اعمل اي لاني وحيده معنديش اخوات انا ٢١ سنه معايا يونس عندو 11 شهر هنا بقا المشكلة كنت باخد برشام الرضاعه لمنع الحمل وحملت عليه انا حامل في التامن يعني هولد وابني عندو سنه الحمدلله على كل حال بس هو صغنن جدا وعايزني اشيلو وانا الحمل تعبني ويولد قيصري المرة اللي فاتت ماما كانت معايا دلوقتي هي تعبانه مش عارفه اعمل اي في ابني بيزحف وانا بكون نايمه ع ظهري اسبوع بسبب الخياطه والبيبي للي جاي كمان الحمدلله انا بقا اليومين دول شقتي متبهدله ومش بتحرك غير بالعافيه وابني بيزحف بيفضل يشد ف الحاجه وكده بالرغم شقتي اوضه وصاله وحمام ومطبخ بس يعني مش كبيرة بس انا ولله تعبانه نفسيا وجسديا
 


bfifa

فتوكة ونص
معلش بكرة يكبروا مع بعض والايام بتجرى وهتلاقيهم توأم سنهم قريب من بعض .. الامومة مش بالساهل ..انا جبت تؤام ولد وبنت وفضلوا سنة واحد ينام بالليل وواحدة تنام بالنهار لما كنت هتجنن