حلمت بهدية جميلة

Mahamoha

فتوكة جديدة
السلام عليكم
انا انسة ودة حلم عادى مش استخارة
حلمت انى لابسة اسدال الصلاة وبدعى ربنا وانا قاعدة على المصلية بدعى بقول يارب ارزقنى بهدية هدية من عندك انت وببص عالسما من الشباك اللى ادامى لقيت حاجة فالسما وسط السحاب الابيض بطير نزلت عندى فالبيت ادامى بالظبط حاجة عاملة زى العوامات الكبيرة بتاعت البحر لونها اصفر وسايقها بنت البنت طلعت من العوامة او الطيارة دى وقالتلى الهدايا دى ليكى احنا بننزل عشوائى على البيوت كدة ووانا اختارت انزل هنا قولتلها دة انا كنت لسة بطلب من ربنا هدية قالتلى الله بجد كنتى لسة بتتمنى كدة وباصتلى بصة كلها فرحة واندهاش فى نفس الوقت انها نزلت عندى انا بالذات تدينى الهدايا اللى انا فاكراة انها كانت اكتر من هدية لكن مش فاكرة ولا واحدة انا صحيت حتى من النوم وانا مبسوطة جدا بالحلم دة .. وخلص على كدة
فالحقيقة فعلا انا دايما بدعى ربنا بفرحة من ترتيبة ليا من حيث لا أدرى ولا احتسب
 

يمكنك أيضا مشاهدة