ادعولى بالله عليكم حملى يكمل على خير

[المحتارة]

لو سمحت يا جماعة انا لأول مرة أكتب بوست واطلب من حد يدعيلي انا كنت حامل من سنتين ونص في توأم والاجنة نبضها توقف في الشهر التالت واحد وفي السادس واحد وولدته واتدفن

والحمد لله علي كل حال وولدته طبيعي ماوافقتش اعمل كحت لانه بينزل البيبي اعوذ بالله مقطع كل حتة لوحدها واستحملت طلق ولادة طبيعية عشان انزله وادفنه سليم .
دلوقتي انا حامل بعد محاولة سنتين ونص مع الدكاترة الحمد لله وتعبت من شهر ونزفت وطلع في اتساع في عنق الرحم ودخلت عمليات وانا في اخر الرابع عملت ربط لعنق الرحم وحاليا انا في الخامس وعندي انقباضات في الرحم ونزيف ومحجوزة في المستشفي معلقة محاليل توقف النزيف للأسف والحمد لله علي كل حال والله انا راضية بكل حاجة ربنا كاتبهالي طالبة منكم تدعولي والله عمري ما شفت حد محتاج دعوة الا ودعيتله من قلبي بجد فعلا وانا حاليا محتاجة دعواتكم وشكرا ليكم مقدما

 

[Mariam MOo]

يا حبيبتى ربنا يشفيكى يارب ......ويرزقك الذرية الصالحة يا رب العالمين.......ربنا يفرج كربك وهمك.......ويجعل ليكى من كل هم فرج ومن كل ضيق مخرج يارب .....ويتم حملك يا رب يارب يارب على خير .....ويسخرلك الى فيه خير ليكى ويحميلك اطفالك الى لسه مجوش .......انا بس عايزة افكرك ان ربنا بيبتلى العبد على قدر ايمانه ......وربنا يا رب يزيد رضاكى ويصبرك ..ويحفظك انتى والى فى بطنك ....اللهم اميييييين

 

[لافير الورد]

الله يكلمك حملك ويسعدك يارب ويجعل حملك ولادتك سهلة ربي يكملك يارب بالخير يارب

 

[رضا بالمقسوم]

ربنا يجعل ألمك ف ميزان حسناتك ربنا يكملك علي خير