عضوه قديمه فى فتكات ، محتاجه مساعدتكم

صابرين احمد

فتوكة جديدة
السلام عليكم و رحمة الله و بركاته

صباح الخير يارب تكونوا كويسين و رمضان مبارك كل سنه و انتوا طيبين


الحقيقه انا مش عارفه ابدأ كلامي منين قصتي طويله اوي و مرهقه هحاول اختصر
انا عندي ٣٥ سنه ماما الله يرحمها و يغفر لها اتوفت ٢٧/١/٢٠٢٠ بعد صراع طويل مع المرض ،، ٩ سنين قبل الوفاة و هى قعيدة فراش بسبب كسر في الركبة و الفخد و مشاكل فى القلب و الكلى و جلطه و مؤخرا فشل فى الرئة
رحله مرضيه طويله و مؤلمة نفسيا عليها الله يرحمها و عليا انا و اختى ، و بسبب الظروف دي و لان مكناش بنشتغل وقتها اتراكمت علينا ديون بمبلغ ٤٨،٠٠٠ جنيه والدي متزوج و للاسف شايل ايده من كل مسؤوليتنا حتى الاكل و الشرب و مش راضي يدفع الديون اللى علينا و اللى كانت بسبب تقصيره ولا راضي بجهزني
انا اتخطبت بعد وفاة ماما الله يرحمها ب ٦ شهور و فرحي المفروض كان هيبقى فى عيد الفطر اللى جاى و طلبت من خطيبي التأجيل و دلوقتى فرحي في عيد الاضحى اللى جاى و الى الان مجيبتش معلقه فى جهازي و الدنيا معايا معكوسه كل ما ادخل فى مشروع افشل للاسف كل ما افكر فى فكرة تقدر تجيب لى دخل مبتكملش تعبت و مش عارفه اعمل ايه مفيش جنيه معايا فى البيت
انا دخلت فتكات دلوقتى بدور على قسم زيارات و اعمال خيرية معرفتش اوصل له تقريبا مش موجود فى المنتدى

اتمنى الاقي مساعده هنا
عايزه اتيليه بيكون بيصفي البضاعه عنده في فساتين الزفاف و الخطوبة و السوارية بسمع ان في اصحاب اتليهات بيستغنوا عنها و سبب انى بسأل على قسم زيارات و اعمال خيريه لاني من فتره كبيرة اتواصلت مع صاحبة اتيلية عن طريق المنتدى و كانت هتديني البضاعه القديمة اللى عندها بدون مقابل تبرع و هبه منها علشان استرزق منها بحيث انى اساعد فى علاج ماما الله يرحمها و لكن للاسف الموضوع وقف

دلوقتى محتاجه انفذ المشروع ده بحيث ان الموضوع يبقى هبه او تبرع لان للاسف والله العظيم مفيش معايا الامكانيات خالص حتى جهازى واقف
 

Mariam MOo

فتوكة ونص
دورى على شغل .....اشتغلى فى صيدلية... فى محل ملابس ..كدا....وحطى مرتبك كلو فى جهازك .....سيبك من موضوع المشاريع دا موضوع فاشل .....خليكى فى الشغل الى بجد لغاية لما تخلصى جهازك وحاولى تأجلى جوازك اكتر معلش ...عشان تكونى خلصتى ..... ودورى على محل اجهزة كهربائية يكون بالقسط وربنا يقدرك يارب.....ويفرجها عليكى ....ويعوض صبركم خير ......ويسد ديونكم يااارب
 

bfifa

فتوكة ونص
وليه تدخلى نفسك فى مشاريع وفساتين لا اتباعت لا مااتباعتش .. طيب ماتعملى اكل وتبيعيه اعملى صفحة على انستجرام وافتحى قناة على اليوتيوب وادعى كل اصحابك وجروباتك وكل اللى تعرفيه يعملوا سبسكريب للقناة .. القناه دى ممكن تجيبلك ٥٠٠٠ جنيه فى الشهر ودة اقل مبلغ فى قنوات بتعمل ماشاء الله ارقام خيالية
 

يمكنك أيضا مشاهدة