جوازى سبب عذابى

سلام عليكم
محتاجه منكم انكم تدعولى بالله عليكم
انا فرحى كان من اسبوعين وعلى عكس توقعاتى انى هعيش اسعد ايام حياتى
انا عشت اسوء ايام عمرى الفتره دى ومن يوم الدخله
بسبب انى منزلش منى دم اثناء اول علاقه وبدأ الشك فيا واتهامات ليا وانا اللى كنت حاسه بالم مميت جداا أثناء كل مرا كان بيحاول معايا فيها ومكانش فيه فايده
وانا اللى طلبت ان اروح انا وهو لدكتوره تانى يوم الصباحيه بعد ما حاول معايا كتير وبرضو مفيش دم والدكتوره قالت ده متهتك وفاضل بقايا للغشاء وجابتها واتالمت بشده جدا والدم كان لونه وردى وبرضو مقتنعش بكلام الدكتوره وبالعكس الشك زاد جواه اكتر وروحنا لدكتوره تانيه ورفضت الكشف عليا وقالت ده تخصص طب شرعى وبعد تحايلات كتير وافقت وقالت إنه تم فضه حديثا وان اصلا الغشاء مش دليل على العذريه وان دلوقتى فيه بلاوى كتير بتحصل وبرضو مقتنعش بكلامها وشكه كان بيزيد هو وأهله وانا كنت فى عذاب وحرفيا فرحتى اتطفت ومقدرتش أكمل وسبت البيت ، وللعلم انا لسه بدرس وسنى صغير بس عجلت فى الجواز لأنه كان هيعمل عمليه وكان لازم أقف الفتره دى جنبه بس بعد كل اللى حصل وبعد كلام كتير اتقال فى حقى وحش انا اتقتلت من جوايا ورفضت اكمل بس بعد ما قعدت فتره عند اهلى عرفت أنه تعبان جدا وكان عمل العمليه ومحتاجنى جنبه وللاسف دوست على نفسى ووافقت ورجعتله بس عيشت معاه وانا من جوايا مش قادره اسامحه لانى مكنتش استاهل يحصل فيا كل ده وفعلا احساس الظلم من أصعب ما يكون، واول ما بدا يتعافى ويتحسن انا قررت ابعد وارجع بيت اهلى تانى ولانى مكنتش قادره اتحمل نظرات الشك دايما اللى فى عينيه وأنه كمان منعنى من زياره أهلى أو أن هما يزورنى
انا فعلا تعبت وحاليا خلاص اخدت قرار الطلاق
بس محتاجه دعواتكم ليا
 
اولا الدم مش دليل على العزريه انا شخصيا اعرف ناس كتير منزلشى منها دم فى يوم الدخله ولاسباب عاديه ممكن من شدة الخوف
وأزواجهم عمرهم مشكو لحظه انهم مش كويسين الفرق بين البنت العذراء والغير عذراء بيبقى واضح فى الجماع
انصحك متردديش لحظه فى الطلاق منه ده إنسان مريض بالشك وحياتك معاه كانت هتبقى جحيم وأحمدي ربنا ان حصل كده فى بداية العلاقه أحسن مكنتى خلفتى منه اولاد مكنتيش هتقدرى تتطلقى خوف على اولادك
قولى حسبنا لله ونعمه الوكيل وحقق هيرجعلك
 

bfifa

فتوكة ونص
ربنا هياخدلك حقك منه وهيندم ندم عمره انه ضيعك وضيع سمعتك
فوضى أمرك لله
 

يمكنك أيضا مشاهدة