خيرني بين الشغل وبين اننا نسيب بعض

المحتارة

فتوكة ونص
فتكات المحتارة
ارتباط ٧ سنين حب وخطوبة
اتحطيت ف أصعب موقف ممكن امر بيه
خيرني بينه وبين شغلي
قولتله مش هسيب الشغل لاكتر من سبب
مرتبي كويس وبساعده ف شقتنا عشان ظروف البلد بقت سيئة جدا
بحب شغلي وبحب زمايلي وبحب مجالي مش هاين عليا
مش قادرة اسيب الشغل ومش قابلة الفكرة
اتكلمنا كتيييييييير اوي الخطوبة اتفشكلت والموضوع باظ
بقالنا سنة ونص بيقولي حسسيني اني مهم حسسيني انك فضلتيني عن شغلك
بيمشي ويرجع يقولي تاني يقولي انا بديكي فرصة اشتريني زي ما انا شاريكي واقوله لا مش هسيب شغلي اطلب اي طلب تاني
يمشي ويرجع ع الحال ده بقالنا سنة ونص
انا بفكر بالعقل شايفة ان انا اللي صح
بس هو رافض رفض نهائي ف البداية كان العلاقات الكتير والمواعيد المتاخرة
دلوقتي الموضوع كبر اكتر وبقي عند
بقي بيقولي انا مش هتكسر قصاد نفسي مش هتمشي كلامك عليا الفلوس مش احسن مني لو اختارتيها يبقي انتي من طريق وانا من طريق
انا مش انانية والله
انا مرتبي كله ف جمعيات وبنعمل كل حاجة سوا في شقتنا وحاجتنا
غلطتي اني بفكر بالعقل
غلطتي اني بحب شغلي ومش قادرة اسيبه
من وسط كل شغلي وعلاقاتي عمري ما شوفت انسان غيره
حب عمري مش هاين عليا تخلص كده
وسطنا الاهل وسطنا كوتش تنمية بشرية
بقيت حاسة اننا وصلنا لحيطة سد
حقيقي انا مش عارفة مين اللي المفروض يتنازل
تعبت واعصابي باظت
انا كمان بقيت عنيدة بس من ورا قلبي
محتاجة اسمع صوت غير صوت نفسي قولولي مين صح قولولي اعمل ايه
 


M

Mai shenawe

غير مسجلة
الاصول انه يقبل بيكي و بشغلك.
لو مش موافقك يبقي كل واحد فيكم فطريق.
هوه مش لسه مبقاش جوزك عشان يحكم عليكي
 


bfifa

فتوكة ونص
اوعى .. اوعى .. اوعى تسيبى شغلك.. المسألة مش مسألة فلوس وبس وانك فضلتى الفلوس عليه.. الشغل هو مكانتك .. خبرتك بالحياة .. الوصول لهدف .. الصرار على تحقيق الذات.. شغلك هو سندك
 


Ema.my.love

فتوكة
هتندمي لو سبتي شغلك شغلك ثم شغلك وبعدين هو ال هيتعب في الشغل ولا انت انه يخيرك بينه وبين شغلك مفيش وجه مقارنة من الاخر هتندمي لو سبتي شغلك سيبيه هو وهيجيلك ال هيقبلك بشغلك مش يحط لك العقدةةفي المنشار
 


يمكنك أيضا مشاهدة