كيفية ترتيب دولاب العروسة

fatakat

Administrator
طاقم الإدارة
السلام عليكم ورحمة الله وبركتة

ازيكم يافتوكات
ياقمرات
فيه عريس كتير بتسال عن افكار لترتيب الدولاب والفوط وفرشات السرير

فانا فكرة بقى وقررات اصورلكم الدولاب وانزله فى فتكات
خاصة بعد ما عجب ناس كتير شافته
ان شاء الله يفيد كل العرايس لو بحاجه بسيطه
وان شاء الله يعجبكم

وربنا يتمم لكل البنات على خير


دى ملايات السرير
مش فيه افتكاسه اوى لا احنا جربنا طرق ترتيب كتير لها
كانت مش بتطلع حلوه ومش مرتبه اقوى علشان بيبقى الطقم كبير
فدى كانت احسن طريق لترتبهم
ان انتى تطوى الملايه عادى والمخدات كمان بس التربيعات تتعمل على شكل مثلث
وتدخلى طرف كل طقم فى الطقم الى بعده
بيدى شكل جميل

ودى الصور









دى الشكل فى الجزء الوسطنى فى الدولاب
الملايات فوق
والملابس البيتى الصيفى فى الرفين الى تحتها
والشتوى تحت
وتحتهم فى ادراج بس مش ظهره فى الصورة فيه حاجات تانيه هههههههه



نيجى بقى للفوط بجد ترتبها عجب كل الناس الى شافتها
الفوط اتعملت على شكل مثلث وبتدخلى كل فوطه فى بعضها وخلى بالك من الالوان بلاش الفوط الى جنب بعض تبقى لون واحد خلى فيه تنوع فى الالوان
وبعدين هتجبى مجموعة فوط بس تكون نفس الشكل ويريت تكون اشيك حاجه
الفوط الموجوده فى الصور دى جميله هى من الطرفه فيها كرنيش اورجانز من الجنبين ومشغوله من النصف
المهم نعملها على شكل اسطوانه وتجيبى شريط ستان مش عريضه اوى تكون متوسطه وممكن تكون كلها لون واحد او لونين زى ما تحيبى
وتتربط على شكل فيونكه جميله كده وتتحط كل اتنين فوق بعض
زى ماهو موجود فى الصوره كده







تحت الفوط بقى موجود ملابس الخروج الاروب وعبيات الاستقبال
بس مش صورتهم
وبكده يبقى فاضل درفه واحده فى الدولاب دى بقى تبع العريس
مالنش دعوه بيه



نيجبى بقى لباقى المفروشات الفوط والملايات والبطاطين والكوفرتات
واللحفه الفيبر
دول بقى هتحطوا فى دولاب الاطفال

دول باقى الفوط اتعملوا برضه على شكل مثلث
والاتنين الى فوقهم اتعملوا على شكل اسطونه بس بنربطهم مع بعض ونوقفهم
وفيه بقى فى الجنبين فوطتين بيتعملوا على شكل مثلث وبعدين يتلفوا على هيئيه اسطونه
ويتحطوا واقفين
ودى ظاهر فى الصور التانيه




تحتهم باقى كان اللحف الفير الاتين بتوع الاطفال فوق بعض
والاتنين بتوع السرير الكبير فوق بعض
بس للاسف مش ظاهرين فى الصوره




الدرفه التانيه بقى من دولاب الاطفال كان فيه باقى الفوط بس الفوط دى كانت حجمه كبير شويه اتعملت على شكل اسطوانات والاخره بس هى الى اتربطت بشريط ستان وحطنى جمبهم المفرش القطيفه



تحت بقى كان فيه الكفرتات وترتبه كان عادى زى ما هى فى الصورة كده





وتحت بقى كان فيه ملايات الاطفال
وكان ترتبهم بسيط برده زى ماهو فى الصورة كده
وعلى الجنب اتعملت البطاطين على شكل اسطوانه وحطنهم فوق بعض





وكده خلصت
ان شاء الله يعجبكم
وان شاء الله كل العريس تستفيد منه
ومش عايزه اقولكم الموضوع دى تعبنى ازى وخد وقت قد ايه
يعنى لو عجبكم
طبعا قيموا
 

الفتوكات شاهدوا أيضا