التهاب المسالك

[ريحانة]

السلام عليكم
انا سنى 45 سنة كنت مركبة لولب هرمونى وفى رمضان اللى فات شيلته عملى قرحة فى الرحم وكيس على المبيض الحمد لله تم العلاج ولكن بعدها او أثناء العلاج بدات اعانى من حرقان فى البول حكه بدات اتعالج على انها فطريات ولكن البول زى ما هو عملت تحليل بول طلع فى املاح ونسبة صديد وبكتريا بس النسب مش كبيرة ولكن اسفل البطن عندى احساس مزعج زى مغص الدورة بس بسيط ،، روحت لطبيبه نسا وعملت سونار وكشف منظار قالت لى عندى التهاب فى المثانه اخدت مضاد حيوي وبرشام مزيل للاملاح والحصوات وفوار ارتحت شوية لكن فى دائما شيء مزعج حاسة بيه وهو نغزة او مغصة بتيجى ناحية اليمن مكان المثانة كمان الشفرة الكبيرة بحس فيها زى حرقان او نغز من داخل لحم الشفرة وبحس ان الالم دا متصل بنغزه المثانه مش عارفه له علاقة ولا لاء ،،، انا كشفت عند كذا طبيبه وبيقولو مفيش حاجة فى الرحم والمبايض ،، الفكرة انى كل شهر بعد الدورة لازم يجى حرقان البول ونفس الموال ويعقبه اعراض تانية زى الم فى عضلات البطن عند اللمس اعلى المصانع كشفت باطنة الدكتور قالى دا نتيجة الالتهاب عضلات البطن من الداخل التهبت اخدت علاج والالم راح بس بحس زى شد فى المنطقة دى كدا ،، وحاليا رجع تانى الحرقان والنغزة والم الشفرة الخارجية ناحية اليمين فقط ،، انا احترت وتعبت ياريت حد يطمنى