السلام عليكم..
هحاول اختصر الحكاية ومعلش لو طولت عليكم..
احنا بنتين عايشين مع والدتي اللي كافحت لتربيتنا واتجوزنا معاها كل واحدة في شقة ..زوج اختي وزوجي مختلفوش عن بعض فالغالب في قلة الأصل وعدم حفظ الجميل بس الواحد عايش عشان الاولاد وعشان الواحد ميطلقش واهي عيشه والسلام ..
اخر حوار حصل أن جوزي خسر فلوس في شغله كمندوب وطلب جمعيتي اللي هقبضها يسد بيها قررت إدهاله وقولت بعد كدة هحتفظ بمرتبي عشان اعمل حاجة لعيالي .. لأن زوجي للاسف فاشل من قبل الجواز وبعده بس كان محتاج الفلوس في أقرب فرصة فحاول يكلم جوز أختي يسلفه بس معرفوش أنه خسران وقاله أنه بيكسب وعايز يزود مكسبه وأنه هياخد الجمعية مني عشان يفرتكها ومبنيش فوق شقتي واني ماشية بدماغ أمي .. طبعا أختي عرفتني الحوار فقررت اني بردو هديله الفلوس بس المرة دي بوصل أمانة ..
المهم في خلال الفترة دي كنت شبه كرهته لأسباب كتير هيطول شرحها فقررت اننا عايشين للعيال ولو عايز يتجوز معنديش مانع خاصة أنه كذا مرة لمح على سلفتي اللي جوزها اتوفى.. وكان بدأ يظهر اهتمام بالتليفون لكل اللي فالبيت بالقعاد بالتلات ساعات فالشارع أو السهر لوش الفجر والطلوع ع السطح .. فهما شكو أنه يا إما متجوز عليا أو بيكلم بنات مع العلم أنا عارفه تصرفاته وكنت ساعات أكلمه ويعتذر لحد مااتنزع من قلبي ووصلنا لأن العيشة العيال وبس..
لكن الجديد أن أختي طلبت من جوزها يتأكد من موضوع الجواز والبنات .. لاقاه مش متجوز بس جوز أختي بدأ يتجسس عليه لدرجة أنه صورة من فوق السطح وهو قاعد عالسلم بيتفرج ع افلام إباحية ولدرجة أنه يا اما وز عليه واحدة ست أو عمل اكونت باسم واحدة وبدأ يكلمه والعلاقة اتطورت وبعتلها صور عريانه ليه واتكلم عليا معاها عن علاقتنا فالسرير .. وجاب سيرة أختي أنه بيتحرش بيها وبتيجي تبيت عندنا وزوجها مش هنا ..
( وأما واجهته قال إنه حس أنه هو جوز أختي فقال كدة عشان يظهر ويبان ومعرفش صادق ولا لا في نيته مع العلم مفيش اي تواصل بينه وبين أختي ولا حتى ليرفع عينه عليها ولا هي بتكلمه الا ع قد السلام وبس ) المهم قبل ما اكتشف الحوار دة كله أختي وجوزها عملة فيلم ع جوزي بخصوص القايمة وأما سألتها في ايه قالتلي أصلها شاكه أنه متجوز عليا أو بيكلم بنات .. ففهمتها أنه ماتدخلش وإن الحياة للعيال ولأنه بيحبهم وبيعاملهم حلو فانا عائشه معاه ومنعا للطلاق وكل واحد يمشي حياته ونبهت عليها أن جوزها مايدخلش في حاجة ..
بعدها بيومين لاقيتها بردو نازله تاخد قائمتي من ماما وقتها بقى شديت معاها وراحت حكتلي أنه جوزها التجسس عليه وقولتلي حوار البنت اللي بيكلمها ع الفيس فقعدت ألطم واقولها من قولتلك مالكيش دعوة ونزل جوزها واتخانقت معاه وانتهت الدنيا بالخراب وجوزي مخلتهوش يرجع البيت تاني وطلبت منه الطلاق وجوز أختي واختي هيمشو من البيت لأن ماما اتخانقت مع جوز أختي والموضوع اتطور .. انا في كرب شديد ومش عارفه مين الصح ومين الغلط
هحاول اختصر الحكاية ومعلش لو طولت عليكم..
احنا بنتين عايشين مع والدتي اللي كافحت لتربيتنا واتجوزنا معاها كل واحدة في شقة ..زوج اختي وزوجي مختلفوش عن بعض فالغالب في قلة الأصل وعدم حفظ الجميل بس الواحد عايش عشان الاولاد وعشان الواحد ميطلقش واهي عيشه والسلام ..
اخر حوار حصل أن جوزي خسر فلوس في شغله كمندوب وطلب جمعيتي اللي هقبضها يسد بيها قررت إدهاله وقولت بعد كدة هحتفظ بمرتبي عشان اعمل حاجة لعيالي .. لأن زوجي للاسف فاشل من قبل الجواز وبعده بس كان محتاج الفلوس في أقرب فرصة فحاول يكلم جوز أختي يسلفه بس معرفوش أنه خسران وقاله أنه بيكسب وعايز يزود مكسبه وأنه هياخد الجمعية مني عشان يفرتكها ومبنيش فوق شقتي واني ماشية بدماغ أمي .. طبعا أختي عرفتني الحوار فقررت اني بردو هديله الفلوس بس المرة دي بوصل أمانة ..
المهم في خلال الفترة دي كنت شبه كرهته لأسباب كتير هيطول شرحها فقررت اننا عايشين للعيال ولو عايز يتجوز معنديش مانع خاصة أنه كذا مرة لمح على سلفتي اللي جوزها اتوفى.. وكان بدأ يظهر اهتمام بالتليفون لكل اللي فالبيت بالقعاد بالتلات ساعات فالشارع أو السهر لوش الفجر والطلوع ع السطح .. فهما شكو أنه يا إما متجوز عليا أو بيكلم بنات مع العلم أنا عارفه تصرفاته وكنت ساعات أكلمه ويعتذر لحد مااتنزع من قلبي ووصلنا لأن العيشة العيال وبس..
لكن الجديد أن أختي طلبت من جوزها يتأكد من موضوع الجواز والبنات .. لاقاه مش متجوز بس جوز أختي بدأ يتجسس عليه لدرجة أنه صورة من فوق السطح وهو قاعد عالسلم بيتفرج ع افلام إباحية ولدرجة أنه يا اما وز عليه واحدة ست أو عمل اكونت باسم واحدة وبدأ يكلمه والعلاقة اتطورت وبعتلها صور عريانه ليه واتكلم عليا معاها عن علاقتنا فالسرير .. وجاب سيرة أختي أنه بيتحرش بيها وبتيجي تبيت عندنا وزوجها مش هنا ..
( وأما واجهته قال إنه حس أنه هو جوز أختي فقال كدة عشان يظهر ويبان ومعرفش صادق ولا لا في نيته مع العلم مفيش اي تواصل بينه وبين أختي ولا حتى ليرفع عينه عليها ولا هي بتكلمه الا ع قد السلام وبس ) المهم قبل ما اكتشف الحوار دة كله أختي وجوزها عملة فيلم ع جوزي بخصوص القايمة وأما سألتها في ايه قالتلي أصلها شاكه أنه متجوز عليا أو بيكلم بنات .. ففهمتها أنه ماتدخلش وإن الحياة للعيال ولأنه بيحبهم وبيعاملهم حلو فانا عائشه معاه ومنعا للطلاق وكل واحد يمشي حياته ونبهت عليها أن جوزها مايدخلش في حاجة ..
بعدها بيومين لاقيتها بردو نازله تاخد قائمتي من ماما وقتها بقى شديت معاها وراحت حكتلي أنه جوزها التجسس عليه وقولتلي حوار البنت اللي بيكلمها ع الفيس فقعدت ألطم واقولها من قولتلك مالكيش دعوة ونزل جوزها واتخانقت معاه وانتهت الدنيا بالخراب وجوزي مخلتهوش يرجع البيت تاني وطلبت منه الطلاق وجوز أختي واختي هيمشو من البيت لأن ماما اتخانقت مع جوز أختي والموضوع اتطور .. انا في كرب شديد ومش عارفه مين الصح ومين الغلط
