SalmaEllithy
فتوكة جديدة
اخيرا هحكي تجربتي في الحمل و الولاده الطبيعي انا ولدت طبيعي من تلت شهور الحمدلله تجربتي طويله معلشي
اولا انا طول الحمل ضدد القيصري جدااا و شايفه ان الدكاتره بتتحجج حجج كتير عشان تولد قيصري و دا من واقع تجارب حواليا و كمان في الجروبات ال مشتركه فيها و كانوا بيستفزوني اوي ال بيصدق كلام الدكاتره بثقه
انا تابعت مع دكاتره غاليين اوي اول الحمل و جهاز السونار مكنش حلو و مش دقيق ومكنتش بشوف منه حاجه و مكنوش بيدوني صوره للبيبي بعدها روحت لدكتوره رخيصه جنب اهلي و جهازها فوق الممتاز و من الشهر التالت كنت بشوف تفاصيل البيبي و عرفت النوع اخر التالت من اول مره روحتلها فيها و كانت بتدبسلي في الروشته صوره البيبي بتاعت السونار و حتي بعدها في الخامس و السادس لما كنت بتضطر اروح لدكتور غالي مكنش بيعرف النوع.. المهم نزل عليا مايه في الشهر التامن بسيطه فضطريت اروح طواريء مستشفي خاصه الدكتور بدأ يخوفني و يقولي المايه قلت خالص قولتله يعني كام في الميه تهته و مبقاش عارف يرد و شويا يقولي اصلها مش بتتحسب كده و اقوله طب المايه الموجوده دي تستني معايا للتاسع و اولد طبيعي يقولي اصلها ممكن تتصفي و الافضل تولدي علي طول و بدا يقنعني بالقيصري مع اني في التامن و يقولي البيبي وزنها ٣٥٠٠ و بعد ما فشل يقنعني اخد جوزي في الاوضه بره و سابني ألبس مع الممرضه و الممرضه تبعه طبعا و محفظها ال هتقوله للمرضي فضلت تقولي القيصري حلو و هتيجي بمزاجك و هتولدي في الوقت ال انتي عايزاه و بسرعه و بصي اول ما تطلعي للدكتور اطلبي منه يكتبلك ابره الرئه و انجزي قولتلها اه حاضر.. طلعت لاقيته مشيط جوزي و مخوفه و راعبه جامد و كاتبله حقنه الرئه و شبه اتفق معاه ع القيصري.. مشينا و قولت ل جوزي انا هستني اروح لدكتورتي اتأكد من كلامه راح طبعا جوزي قلب عليا و مش صابر نتستني و اهله كلهم عرفوا الموضوع و بقوا ضددي و قطعوني و بقي كل ثانيه يقولي هتموتي بنتنا ماتولدي قيصري وخلاص ما كله بقي قيصري و ضغطني جامد بس استنيت بردو و روحت لدكتورتي و كنت بدات التاسع قالتلي المايه حلوه جداااا و البيبي حركته ماشاءالله و مش محتاجه ابره رئه اصلا و ال بياخدها ناس معينه مش انتي و قالتلي الراس في الحوض و بنسبه كبيره هتولدي طبيعي ان شاء الله و وزنها ٢٤٠٠ جرام و وقتها عرفت ليه البنات بتقول ان السونار بيغلط و بيزود كيلو لان واضح المستشفيات و العيادات الخاصه سونارها مش كويس و بيزود في الوزن اما الدكتوره رغم انها مش غاليه جهازها كويس جدا و وزنها صح .. المهم وقتها جوزي اتصدم و سكت.. جيت اليوم ٢٢ من التاسع نزل عليا بليل مايه حوالي نص كوبايه مصفره و اغير هدومي ينزل تاني و هكذا لحد الفجر بينزل عليا مايه غرقتني كلمت صاحبتي قالتلي ولاده و روحي المستشفي شوفي المايه.. بصراحه كبرت دماغي و نمت صحيت ١١ الصبح لاقيت نازل عليا دم.. صحيت جوزي و روحنا مستشفي الجمهوريه طواريء قالولي الرحم فاتح ٢ سم و لسه اودامك لحد بليل لما يجي طلق تعالي.. خوفت من كتر المايه ال بتنزل روحت الماترنتيه الدكتوره فضلت ترعبني و تقولي البيبي عمل حمام في بطنك و المايه قلت خااالص و لازم قيصري حالا و اقولها بس البيبي في الحوض تقولي اه في الحوض و حوضك كويس و خساره بس هنعمل ايه لازم قيصري حااالا قولتلها اديني طلق صناعي قالتلي البيبي مش هيستحمله و المايه مش هتكفي قولتلها مش هولد قيصري و جيت امشي راحت جابت جوزي و قالتله نفس الكلام و قالتله مش هنمشيك من غير ماتمضي اقرار علي نفسك انك السبب في موت بنتك و فضلت تخوفه و يقولها اديني ٥ دقايق اقنعها و هي مش راضيه و تقوله اصلا البنت ٥ دقايق و هتموت في بطنها راح قالها دقيقتين بس و فضل يزعقلي و كلم امه لا اله الا الله و محدش بقي طايقني و شايفين اني عنيده و هموت الطفل ولازم اولد قيصري حالا.. امي جت و كانت في صفهم بردو و خايفه.. روحت قولتلهم طب نعمل اخر محاوله و نروح الشاطبي.. وافقوا و كلهم مش طايقني.. روحت الشاطبي كشفت الدكتوره قالتلي المايه قلت بس دا عادي و الرحم مفتوح ٢ سم و انتي داخله علي ولاده بس اعمليلي تحليل تعرف عندي التهابات ولا لا و تقيس حرارتي لو كده تحجزني.. قولتلها يعني البيبي مفهوش مشكله و معملش حمام و حياته في خطر.. قالتلي لا مافيش اي حاجه من دي.. روحت عملت التحليل و اخدت النتيجه بعد ساعه و رجعت تاني و كل دا الساعه بقت ٨ بليل و مافيش طلق و المايه مغرقاني.. طلع عندي التهابات و حراراتي ٣٨ و نص و اتحجزت و كل ال بيولد حواليا يصوت و انا فرحانه اني مش حاسه بحاجه و بقول ولادتي سهله حطوني علي جهاز نبض الجنين و بعدها جت الساعه ١١ بليل بدات احس بوجع البريود خفيف كل ١٠ دقايق قولت الوجع عادي اصلا و حلو اهو بعدها بقي كل ٥ دقايق و كنت مستحملاه بردو لاني متعوده علي وجع البريود و هموت م الفرح و بقول هو دا بقي وجع الطلق ال كل ٥ دقايق دا سهل اوووي و جت ١٢ ونص و بدأت الوجع كل دقيقه و ميستحملش اصلا كل ما يجي الوجع انزل علي ركبتي في الارض و اكتم الوجع و كنت بموووت يالهوووي و تروح و تيجي تاني بعد دقيقه.. طلعت قولتلهم هو عادي يبقي كل دقيقه و الرحم لسه ٢ سم قالولي تعالي و حطولي طلق صناعي و بعدها عنيكم ماتشوف الا النور صوتي كان مسمع امه لا اله الا الله و اقول للدكاتره الحقوني و هما كميه البرود و اللا مبالاه و بيضحكوا مع بعض و كأني مش بتكلم اصلا.. الطلق دا ازفت وجع في الدنيا كلهااااااا والله العظيم و كل ال بيعملوه رايحين جايين يعملولي كشف نسا و يحفروا جوايا جامد و انا بصوت و كنت هشيل المحلول بتاع الطلق ارميه و اقولهم ولدوني قيصري خلاص.. و الدكتوره تقولي احزقي و تحفر و خلاص اول ماشافت الراس نازله عايزاني اقوم بالمحلول اروح الاوضه بتاعت الولاده و ابقي حابسه الوجع ومثبته الراس و ابقي انزل البيبي هناك .. عملت كده و انا بموت طبعا و روحت العمليات و كل طلق تقولي احزقي و طلقتين تلاته البيبي نزل حسيت بالراس في البدايه و محستش بالجسم.. تاني اصعب مرحله بتاعت التنضيف و تطليع المشيمه و الضغط علي البطن بعدها اخدت بنج و عملتلي الغرز مكنتش حاسه و لما نزلت عشان اشوف البيبي بدأ كل ال فات يختفي و بدات اضحك و عادي جدا و مش حاسه ب اي حاجه خااالص.. حطوا البيبي في الملاحظه ساعتين و انا كنت بلعب ع الفون في الاوضه جابولي البنت ارضعها طبعا معرفتش و نايمه.. تالت اصعب حاجه كشف الخروج ال بيتعمل مرتين.. منها لله الدكتوره جت قالتلي هنتاكد من الرحم و النزيف دخلت ايديها بعنف و ضغطت علي بطني جامد لمست غرزه تحت بطريقه عنيفه بقيت موجوعه منها لحد ٨ الصبح بعدها جيه دكتور قالي هنعمل الكشف كمان مره عشان الخروج عملهولي براحه عكس الدكتوره.. يعني كان زمان مكان الغرزه مش واجعني لولاها.. المهم اتكتبت خروج و قالولي لازم البيبي يرضع و يعمل ستول عشان نخرجك و انا احاول منفعش في الاخر جبت ببرونه و رضعت منها و عملت استول و خرجت.. بس عايزه اقولكم اني مبفكرش في الولاده نهاااائي و عمري ماهنسي ال مريت بيه دا و شايفه ان التجربه دي كفايا عليها مره واحده بس رغم اني خلاص من تاني يوم بدأت اتعافي و مافيش وجع خااالص و حاليا ناسيه وجع الولاده و الطلق و ساعات بحن لشكل بطني و انا حامل بس بردو مش هنسي ان الدكاتره مكنتش عايراني انتباه و انا بصوت و علي فكره هتخافي تعملي حمام مايه و استول بعد الولاده بس اصلا لما تيجي تعمليهم مش هيبقي في وجع اصلا و بالعكس هترتاحي و الوجع هيروح اسرع .. و في النهايه ال خوفتني كانت عايزه تولدني ٢ الضهر و بتقولي مش اودامك وقت و اصلا انا ولدت ٢ الفجر تاني يوم.. كان عندي وقت و مخوفتش و صممت.. و رغم الوجع بس مبسوطه اني خوضت التجربه عكس ما كنت اولد قيصري و افضل اقول يمكن كان عندي فرصه للطبيعي.. الطلق ال وجعني كان كله علي بعض ساعه و هو فعلا وجع ساعه ولا كل ساعه بحمد ربنا كل مره بدخل فيها اخد شاور و اعدي الليفه علي بطني عادي و اقول الحمدلله ان مافيش خياطه ف المكان دا
بس انا بردو مش هكرر الولاده تاني كفايا بيبي واحد خلاص و كفايا زنها و عياطها لحد الصبح مبنامش غير ٣ ساعات في اليوم بس الله يكون في عون الامهات
اولا انا طول الحمل ضدد القيصري جدااا و شايفه ان الدكاتره بتتحجج حجج كتير عشان تولد قيصري و دا من واقع تجارب حواليا و كمان في الجروبات ال مشتركه فيها و كانوا بيستفزوني اوي ال بيصدق كلام الدكاتره بثقه
انا تابعت مع دكاتره غاليين اوي اول الحمل و جهاز السونار مكنش حلو و مش دقيق ومكنتش بشوف منه حاجه و مكنوش بيدوني صوره للبيبي بعدها روحت لدكتوره رخيصه جنب اهلي و جهازها فوق الممتاز و من الشهر التالت كنت بشوف تفاصيل البيبي و عرفت النوع اخر التالت من اول مره روحتلها فيها و كانت بتدبسلي في الروشته صوره البيبي بتاعت السونار و حتي بعدها في الخامس و السادس لما كنت بتضطر اروح لدكتور غالي مكنش بيعرف النوع.. المهم نزل عليا مايه في الشهر التامن بسيطه فضطريت اروح طواريء مستشفي خاصه الدكتور بدأ يخوفني و يقولي المايه قلت خالص قولتله يعني كام في الميه تهته و مبقاش عارف يرد و شويا يقولي اصلها مش بتتحسب كده و اقوله طب المايه الموجوده دي تستني معايا للتاسع و اولد طبيعي يقولي اصلها ممكن تتصفي و الافضل تولدي علي طول و بدا يقنعني بالقيصري مع اني في التامن و يقولي البيبي وزنها ٣٥٠٠ و بعد ما فشل يقنعني اخد جوزي في الاوضه بره و سابني ألبس مع الممرضه و الممرضه تبعه طبعا و محفظها ال هتقوله للمرضي فضلت تقولي القيصري حلو و هتيجي بمزاجك و هتولدي في الوقت ال انتي عايزاه و بسرعه و بصي اول ما تطلعي للدكتور اطلبي منه يكتبلك ابره الرئه و انجزي قولتلها اه حاضر.. طلعت لاقيته مشيط جوزي و مخوفه و راعبه جامد و كاتبله حقنه الرئه و شبه اتفق معاه ع القيصري.. مشينا و قولت ل جوزي انا هستني اروح لدكتورتي اتأكد من كلامه راح طبعا جوزي قلب عليا و مش صابر نتستني و اهله كلهم عرفوا الموضوع و بقوا ضددي و قطعوني و بقي كل ثانيه يقولي هتموتي بنتنا ماتولدي قيصري وخلاص ما كله بقي قيصري و ضغطني جامد بس استنيت بردو و روحت لدكتورتي و كنت بدات التاسع قالتلي المايه حلوه جداااا و البيبي حركته ماشاءالله و مش محتاجه ابره رئه اصلا و ال بياخدها ناس معينه مش انتي و قالتلي الراس في الحوض و بنسبه كبيره هتولدي طبيعي ان شاء الله و وزنها ٢٤٠٠ جرام و وقتها عرفت ليه البنات بتقول ان السونار بيغلط و بيزود كيلو لان واضح المستشفيات و العيادات الخاصه سونارها مش كويس و بيزود في الوزن اما الدكتوره رغم انها مش غاليه جهازها كويس جدا و وزنها صح .. المهم وقتها جوزي اتصدم و سكت.. جيت اليوم ٢٢ من التاسع نزل عليا بليل مايه حوالي نص كوبايه مصفره و اغير هدومي ينزل تاني و هكذا لحد الفجر بينزل عليا مايه غرقتني كلمت صاحبتي قالتلي ولاده و روحي المستشفي شوفي المايه.. بصراحه كبرت دماغي و نمت صحيت ١١ الصبح لاقيت نازل عليا دم.. صحيت جوزي و روحنا مستشفي الجمهوريه طواريء قالولي الرحم فاتح ٢ سم و لسه اودامك لحد بليل لما يجي طلق تعالي.. خوفت من كتر المايه ال بتنزل روحت الماترنتيه الدكتوره فضلت ترعبني و تقولي البيبي عمل حمام في بطنك و المايه قلت خااالص و لازم قيصري حالا و اقولها بس البيبي في الحوض تقولي اه في الحوض و حوضك كويس و خساره بس هنعمل ايه لازم قيصري حااالا قولتلها اديني طلق صناعي قالتلي البيبي مش هيستحمله و المايه مش هتكفي قولتلها مش هولد قيصري و جيت امشي راحت جابت جوزي و قالتله نفس الكلام و قالتله مش هنمشيك من غير ماتمضي اقرار علي نفسك انك السبب في موت بنتك و فضلت تخوفه و يقولها اديني ٥ دقايق اقنعها و هي مش راضيه و تقوله اصلا البنت ٥ دقايق و هتموت في بطنها راح قالها دقيقتين بس و فضل يزعقلي و كلم امه لا اله الا الله و محدش بقي طايقني و شايفين اني عنيده و هموت الطفل ولازم اولد قيصري حالا.. امي جت و كانت في صفهم بردو و خايفه.. روحت قولتلهم طب نعمل اخر محاوله و نروح الشاطبي.. وافقوا و كلهم مش طايقني.. روحت الشاطبي كشفت الدكتوره قالتلي المايه قلت بس دا عادي و الرحم مفتوح ٢ سم و انتي داخله علي ولاده بس اعمليلي تحليل تعرف عندي التهابات ولا لا و تقيس حرارتي لو كده تحجزني.. قولتلها يعني البيبي مفهوش مشكله و معملش حمام و حياته في خطر.. قالتلي لا مافيش اي حاجه من دي.. روحت عملت التحليل و اخدت النتيجه بعد ساعه و رجعت تاني و كل دا الساعه بقت ٨ بليل و مافيش طلق و المايه مغرقاني.. طلع عندي التهابات و حراراتي ٣٨ و نص و اتحجزت و كل ال بيولد حواليا يصوت و انا فرحانه اني مش حاسه بحاجه و بقول ولادتي سهله حطوني علي جهاز نبض الجنين و بعدها جت الساعه ١١ بليل بدات احس بوجع البريود خفيف كل ١٠ دقايق قولت الوجع عادي اصلا و حلو اهو بعدها بقي كل ٥ دقايق و كنت مستحملاه بردو لاني متعوده علي وجع البريود و هموت م الفرح و بقول هو دا بقي وجع الطلق ال كل ٥ دقايق دا سهل اوووي و جت ١٢ ونص و بدأت الوجع كل دقيقه و ميستحملش اصلا كل ما يجي الوجع انزل علي ركبتي في الارض و اكتم الوجع و كنت بموووت يالهوووي و تروح و تيجي تاني بعد دقيقه.. طلعت قولتلهم هو عادي يبقي كل دقيقه و الرحم لسه ٢ سم قالولي تعالي و حطولي طلق صناعي و بعدها عنيكم ماتشوف الا النور صوتي كان مسمع امه لا اله الا الله و اقول للدكاتره الحقوني و هما كميه البرود و اللا مبالاه و بيضحكوا مع بعض و كأني مش بتكلم اصلا.. الطلق دا ازفت وجع في الدنيا كلهااااااا والله العظيم و كل ال بيعملوه رايحين جايين يعملولي كشف نسا و يحفروا جوايا جامد و انا بصوت و كنت هشيل المحلول بتاع الطلق ارميه و اقولهم ولدوني قيصري خلاص.. و الدكتوره تقولي احزقي و تحفر و خلاص اول ماشافت الراس نازله عايزاني اقوم بالمحلول اروح الاوضه بتاعت الولاده و ابقي حابسه الوجع ومثبته الراس و ابقي انزل البيبي هناك .. عملت كده و انا بموت طبعا و روحت العمليات و كل طلق تقولي احزقي و طلقتين تلاته البيبي نزل حسيت بالراس في البدايه و محستش بالجسم.. تاني اصعب مرحله بتاعت التنضيف و تطليع المشيمه و الضغط علي البطن بعدها اخدت بنج و عملتلي الغرز مكنتش حاسه و لما نزلت عشان اشوف البيبي بدأ كل ال فات يختفي و بدات اضحك و عادي جدا و مش حاسه ب اي حاجه خااالص.. حطوا البيبي في الملاحظه ساعتين و انا كنت بلعب ع الفون في الاوضه جابولي البنت ارضعها طبعا معرفتش و نايمه.. تالت اصعب حاجه كشف الخروج ال بيتعمل مرتين.. منها لله الدكتوره جت قالتلي هنتاكد من الرحم و النزيف دخلت ايديها بعنف و ضغطت علي بطني جامد لمست غرزه تحت بطريقه عنيفه بقيت موجوعه منها لحد ٨ الصبح بعدها جيه دكتور قالي هنعمل الكشف كمان مره عشان الخروج عملهولي براحه عكس الدكتوره.. يعني كان زمان مكان الغرزه مش واجعني لولاها.. المهم اتكتبت خروج و قالولي لازم البيبي يرضع و يعمل ستول عشان نخرجك و انا احاول منفعش في الاخر جبت ببرونه و رضعت منها و عملت استول و خرجت.. بس عايزه اقولكم اني مبفكرش في الولاده نهاااائي و عمري ماهنسي ال مريت بيه دا و شايفه ان التجربه دي كفايا عليها مره واحده بس رغم اني خلاص من تاني يوم بدأت اتعافي و مافيش وجع خااالص و حاليا ناسيه وجع الولاده و الطلق و ساعات بحن لشكل بطني و انا حامل بس بردو مش هنسي ان الدكاتره مكنتش عايراني انتباه و انا بصوت و علي فكره هتخافي تعملي حمام مايه و استول بعد الولاده بس اصلا لما تيجي تعمليهم مش هيبقي في وجع اصلا و بالعكس هترتاحي و الوجع هيروح اسرع .. و في النهايه ال خوفتني كانت عايزه تولدني ٢ الضهر و بتقولي مش اودامك وقت و اصلا انا ولدت ٢ الفجر تاني يوم.. كان عندي وقت و مخوفتش و صممت.. و رغم الوجع بس مبسوطه اني خوضت التجربه عكس ما كنت اولد قيصري و افضل اقول يمكن كان عندي فرصه للطبيعي.. الطلق ال وجعني كان كله علي بعض ساعه و هو فعلا وجع ساعه ولا كل ساعه بحمد ربنا كل مره بدخل فيها اخد شاور و اعدي الليفه علي بطني عادي و اقول الحمدلله ان مافيش خياطه ف المكان دا
بس انا بردو مش هكرر الولاده تاني كفايا بيبي واحد خلاص و كفايا زنها و عياطها لحد الصبح مبنامش غير ٣ ساعات في اليوم بس الله يكون في عون الامهات
