خايفة اغضب ربنا

المحتارة

فتوكة ونص
فتكات المحتارة
انا متزوجة من ١٠ سنين والحمد لله خلفت ولد وبنتين وبحب اسرتي جداً اللهم لك الحمد
المشكله ان زوجي مغترب وكنا معاه لكن بعد فرض الضرائب على المغتربين نزلت أنا والأولاد وهو فضل هناك علشان شغله
دايماً معنديش ثقة في زوجي وحاسة إنه بيكلم بنات خصوصا امى قفشته كذا مرة واعتذر لي وسامحته وقولت كله علشان البيت والولاد
ولما كنا مع بعض في الغربة كان بيكلم بنات بردو ومكانش بيعاملنيي كويس لكن لما قفشته اتعدل جدا وغير كدل دة العلاقه الحميمية بينا مش كتيرة سواء كنت معاه في الغربة او بعيد عنه وكان فى مشاكل من اول الزواج بخصوص العلاقه اكتشفت انه بياخد مقويات او منشطات جنسية علشان ميتحرجش مني في العلاقة وعديت الموضوع وعملت نفسي معرفش
دلوقتي هو مسافرر بعيد عني ومش قادرة اتكيف عالوضع وبحتاجله كتير واشتاقله كتير كزوجة طلبت منه كتير النزول النهائى رفض علشان لسه معملناش حاجه للولاد
بس انا حقيقي بقيت بتعب وخايفة اغضب ربنا مش عارفه هو رافض ينزل لأنه جنسيا ضعيف ولا علشان الماديات وفي نفس الوقت الفترة اللي فاتت كان فى رجالة بيكلموني عالخاص وكنت بعمل بلوك كتير وفترة استجابت للحديث ورجعت ندمت وانسحبت بسرعة لكن جالي تأنيب ضمير غير طبيعي ومكنتش بنام وروحت لدكتور نفسي واخدت مهدئات ومنومات وحياتي وحياة عيالي وأهلي كانت بايظة
مش عايزة ربنا يختبرني في حاجه صعبة زى دي ودايما اطلب منه انه يقويني
مش عارفه اعمل ايه
آسفة للاطالة
 



Mariam MOo

فتوكة ونص
ربنا يثبتك على الحق..اواى تضعفى وتمسكى بالقران والصلاة والاذكار والصحبة الصالحة وعلقى قلبك بالمساجد الحاجات هتبعد الشيطان عنك وف نفس الوقت هتلهيكى ربنا يصلح حالك وحال زوجك
 



يمكنك أيضا مشاهدة المنتدى التاريخ
Y شكاوى المحتارة 4

يمكنك أيضا مشاهدة