في
اسمى نهى وكنت بتابع المنتدى زمان وبحبه جداً بس بسبب المشاغل والظروف اللى مريت بيها بعدت عن المتابعة واشتركت تانى انهاردة انا ارملة من ٨ سنين ومتجوزتش ومش عاوزة اتجوز وفرغت نفسى لولادى وتربيتهم وشغلى بس وبسبب الظروف الجديدة ف البلد اصبحت متعسرة ماديا جداً ونفسى اعمل مشروع وانجح فيه فياريت تساعدونى بافكار
ربنا يوسع رزقك ويوفقك لكل خير
لكن لازم تاخدي بالك إن أي مشروع فى الوقت الحالي لازم يكون محسوب كل إحتمالاته بنسبه كبيره
ومش المقصود إنى أخوفك لكن المقصود إنى انبهك إن المبلغ اللي معاكى لو ماتحطش في حاجه صح وخسرتيه لا قدر الله هيكون صعب جدا يتعوض
بالنسبه للمشروع المناسب ليكي فهو بيختلف من شخص للتانى ومن مكان للتاني وبيعتمد على حاجات معينه اهمها:
المبلغ كام تقريبا
هل انتى ساكنه فى قريه او مدينه
هل انتى متعلمه او لا
هل اشتغلتى قبل كده فى اى مجال او لا
هل عندك اى خبره في اى مجال او لا
المجال اللي بتفكري يكون مشروعك بشكل مبدأي هيكون نشاط تجاري او صناعى او زراعي او....
وبالتوفيق إن شاء الله
