سعدوني يا بنات والنبي

Roro024

فتوكة جديدة
السلام عليكم. انا عايزه اخد رايكم ف حاجه ياريت تساعدوني. انا كان في شاب اتعرف عليا من سنه ونص عن طريق النت. مكنتش مقتنعهبيها وكنت دايما بقوله يبعد عني بس هو كان دايما يقولي اديني فرصه مع بعض وكده. المهم من اول يوم عرفتي وهو بيقولي انا عايزكتحبيني وانا بقوله لازم تديني وقتي. فضلنا نعرف بعض ٦ شهور فا انا اعترفتله اني بحبه زي ما هو قالي انه بيحبني ومتعلق بيا وعايزني. المهم انا مش عايشه ف مصر فا قولتله اني هنزل اجازه. قبل ما انزل بكتير قالي انه عايز يكمل مامتي وخلاني اضيف اهله واكلمهم و قاليانه مفهمهم كل شي. نزلت مصر قابلته مره ف التانيه ف التالته كان دايما ماما بتبقي موجوده قريب من المكان عشان لسع مش واثقه فالشخص ده. قالي انه عايز يشوفها شافها وكالمها شويه و مشي. المهم كان كل ما نتقابل و يروح يبعتلي قد ايه احنا لايقين علي بعض وانيبيحبني جدا. الموضوع مره واحده اختلف بعد اخر مره اشوفه فيها اللي هي كانت تالت مره. كنت قاعده انا وهو ف مكان عام مع قريبتيواتفاجت ب امي و خلاتي و اولادهم ف مفس المكان صدفه.. بعدها لقيته مشي. انا حاولت افهمه انها صدفه بس هو مصدقش.. المهماسلوبه بعدها اتغير تماما كل الكلام الحلو بطله.. المكالمات بقيت مش موجوده. بقي يكملني مره ف اليوم يسالني انتي فين وخلاص. اقولهتعالي اشوفك يتحجج انه تعبان.. و فضل يقولي انا عندي مشاكل مع عيلة ابويا وهسيب الشغل وحاجات كتير كده.. قولتله طيب انا جايهالمدينه اللي انت قاعد قيها قبل ما اسافر تاني فجي لقيته بيقولي انا ف المستشفي قولتله مستشفي ايه نش بيرد ومش راضي يقولي. لحيتعليه بققولي معرفش وانتي ده كل همك انا تعبان وانتي مش حاسه بحاجه. انا كنت بس عايزع اروح اشوفه واتطمن عليه.. قولتله انا مسافرهالنهارده لقيته بيقولي ماشي وخلاص حتي مجاش يشوفني من اخر مره اللي كلن فيها اهلي.. اهله بطله يتكلمه معايا خالص. المهن سافرتلقيته بيقولي وصلتي وقبل ما ارد مساحها ومن ساعتها وهو مش بيكلمني. انامش فادره اعرف السبب. صحيح نسيت قبل كده لما قولتلهالعلاقه دي ايه اخرتها لقيته بيقولي انا معنديش طاقه اخد اي قرار ولا احل ولا اعمل اي حاجه فا لو انتي عندك استعداد تستحملي وضعيده لحد ما فرج ربنا يحين مرحب بيكي جدا ولو مش مستعده لا يكلف الله نفسا الا وسعها.. قولتله انت عايزني ولا لا قالي عايز بس معنديشطاقه. انا من يوم ما رحعت من السفر مكلمنيش دايما فاتح فيس و كل حاحه ومش بيكلمني. مش عارفه اعمل ايه انا حبيته جدا. مش عارفهادخل اكلمه اعتبه ولا ازعق معاه ولا اسيبه. ولا فاهمه حاجه. مقهوره جدا وعايزه اخد حقي ادخل اكلمه ولا لا
 

Mnn

فتوكة
معلش متزعليش منى
آنتى راميه نفسك عليه
واكتر حاجه تردى بيها كرامتك إنك تنسى الشخص ده تماما
وحتى لو هو أللى رجع وكلمك ودا أكيد هيحصل بعد ما تتجاهليه اوعى تردى عليه و اعمليله بلوك اوعى تضيعى عمرك مع حد هو مش شاريكى.. هتندمى
 

لوليا بيرل

فتوكة ونص
بصراحة بدون كلام معسول
لما وصلك زهق او اكتشف حاجات او عنده مشاكل ف حياته
بس
هو اسفه مش راجل
مش راجل وغير مسؤل
والله يابنتي خدي حذرك ده تحذير من ربنا ليكي
ده عيل اهبل وعبيط
مايستهلش حتي حب
كل اللي كان همه كلام الحب ف التليفونات وياسلام لو في صور بينكم و هو بجد مش راجل وده اسمه شغل عيال
بمزاجه يعني يقرب منك ويتلهف عليكي وبمزاجه يبعد ويطنش
هو انتي وضعك ايه ف العلاقه دي ؟؟
هفأ؟؟ لا عندك مشاعر ولا احاسيس ولا اي حاجه بمزاجه هو وبس
اسفه كلامي قاسي
بس الشخصيات دي
بتكون شخصية والله اعلم متردده ف حياتها مش عارفه هي عايزة ايه
ولما الراجل مايكنش عارف هو عايز ايه بتبقي كارثه لانه بيكون شخص ماشي مع الهوا
لما يبقي سبب بعده عنك ان اهلك وخالاتك كانو هناك صدفه وماصدقكيش انك مش متفقه معاهم
يعني هو مكدبك
وكمان السبب بسيط يعني لو حصل وشافهم ايه المشكلة يعني خلاص موقف وعدي
حب النت مابيظهرش ولا حاجه من الواقع
صدقيني خلي عندك عزة نفس

افتكري انه مش بمزاجه لانه ببساطه بيتعامل مع حبك له بستهتار وقلة قيمه وده مش مقبول
هايرجعلك لما توحشيه علشان هايحس بس بفراغ عاطفي ويرن عليكي ويكلمك لانه ببساطه عيل مش راجل ومش عارف يحدد هو عايزك ولا لاء
ومش بعيده ف الفترة دي بيتعرف ع واحده تانيه خالص.
ربنا يكتبلك الخير
 

Baty saif

فتوكة جديدة
استعيني بالله وادعي ربي العالمين انك تنسيه وتصبري والي عايز واحده في الحلال هيعمل اي خطوة رسمي عشانها مهما كانت الظروف والله معكي
 

يمكنك أيضا مشاهدة