احنا الاتنين بنتكسف ومعندناش استعداد للدخلة

المحتارة

Member
فتكات المحتارة
انا عندي 23 سنه و جوزي عنده 25
انا متجوزه يمكن من فتره بس لسه بنت و انا وجوزي زي ما كنا مخطوبين بالظبط متغيرتش حاجه وكل شويه يسالونا ها ايه مفيش حاجه جايه في السكه ووماما كانت عايزه توديني للدكتور بس الحقيقه ان احنا اصلا مش دخلنا لسه وانا بطنش كلام ماما ومش بريحها
انا سالته علي انهم بيقعدوا يسالوني اقولهم ايه قالي انتي عايزه ؟ طبعا انا اتكسفت وقولتله مش عارفه عادي قالي لو عايزه انا معنديش مشكله ولو سالوكي قوليلهم لسه محصلش نصيب او اي حاجه *حسيت انه خايف من شكله قدام اهلي يقولوا عليه حاجه يعني او عنده مشكله او كده*
انا عن نفسي الموضوع ده وكده مش شايفاه مهم بالنسبالي اوي يعني وكمان انا بتكسف موت انا لحد دلوقتي ملسبستش اي حاجه من اللي ماما شرياهوملي ويوم الفرح لبست روب وكل يوم بيجي من برا يتعشي معايا نقعد شويه وننام وهكذا وبس كده وهو كمان مش لمح ولا عمل اي حاجه يمكن اتكلمنا مرتين في الموضوع ده وبنكون مكسوفين اوي اوي و قالي انا عادي يعني مش متحمس للموضوع ده اوي وانا كمان زيه كده بس في نفس الوقت شايفه انها مش حاجه حلوه يعني وخايفه لو حد عرف يقول ان عندنا مشكله وكده وكمان انا وهو مكسوفين ومش حاسه ان هنقدر نعمل حاجه زي دي
احنا كده عادي ولا ماشيين غلط ولا المفروض نعمل ايه