اتصدمت في اقرب ناس ليا

ام نبيل ومرام

فتوكة جديدة
السلام عليكم ي اخواتي
أنا حابه اتكلم وافضفض معاكو
أنا عمري ماعملت ف حد حاجه وحشه ودائما كنت بساعد الجميع واتعرفت ع اصدقاء من جميع المحافظات وبقينا اكتر من الاخوات ف فتره قصيره اوي واي حد احتاج حاجه عمري ماكنت بتأخر عليه وكنت دائما بضحي بتعبي ويأسي مجرد مالاقي واحده من صديقاتي محتاجاني اسمعها وهي عندها هموم ملهاش اول من اخر وكنت اخر حاجه اتكلم عنها هي حياتي واي اللي مزعلني لحد ما قررت اشغل نفسي بما أن زوجي مسافر بقاله عامين ونصف ونزوله صعب ف الوقت الحالي ومعايا بنت وولد وقررت اني افتح قناه طبخ واوصل لحلمي اللي كنت نفسه احققه من زمان
وقتها قررت افتح قناه واقول لصديقاتي يشتركو فيها عشان يدعموني فجئت بكميه كبيره من السخريه والاستهزاء والضحك من عدد كبير كنت بثق فيهم وبسمع ليهم وبحللهم كل مشاكلهم تقريبا .وقالولي انتي شايفه نفسك ايه بالظبط هتطلعي تخبطي ف الحلل وتعملي فيها شيف بدل مايدعموني كسرو فرحتي بالقناه وبشغلي ومحدش منهم عبرني حتي باشتراك بقيت ادخل للناس اللي معرفهاش اشحت منهم حتي لايك عشان اثبت للي كانو صديقاتي اني من غيرهم حققت اللي نفسي فيه .بس للاسف دعمهم ليا ضعيف اووي .
محتاجه منكم تقولولي اعمل ايه اقطع علاقتي بالبنات دي واستمر ف شغلي واحاول اكبر نفسي .ولا افضل معاهم بنفس اسلوبهم
مع العلم من وقت مافتحت القناه مافيش واحده فيهم قالتلي مبروك حتي.
بنتي لما شافت قناتي لقتها كاتبه اسم القناه ف ورق صغير كتير لما سالتها اي ده قالتلي عشان اوزعو علي صحباتي ف المدرسه واقولهم خلو مامتمكم تشترك عشان مامتي
أنا عيطت كتير اوي صعبت عليا نفسي من صحباتي اووي
 
انتي طيبه اوي يابنتي ربنا يحققلك اللي بتتمنيه يارب
وموضوع الاستهزاء
ههههه عادي عادي تقريبا معظم اللي حوالينا كده لما تقوليلهم نفسي اعمل مشروع كذا او اعمل لنفسي حاجه يفضلو يضحكو عليكي فا دي حاجه ف معظم الناس للأسف
بلذات اللي واخدين عليكي
التريقه والكوميديا وتقليل من حلم اللي قدامك دي حاجه بنتعرضلها شبه يوميا صدقيني
مش حاجه توقفك عن حلمك اللي بتتمنيه
اللي مقتنعه بيه اتوكلي علي الله واعمليه اهم حاجه يكون ربنا راضي عنك وعن عملك مايكنش فيه حاجه تزعل ربنا
. استمري
بس نصيحه ماتفتحيش معاهم الحوار ده ابدا ولا تشاركيهم احلامك وطموحاتك
مش لازم تقطعي صلتك بلناس علشان زعلوكي اعرفيهم واتعاملي معاهم علي الاساس ده
انك فهمتيهم
فا ماتديش الامان ولا تقترحي اقتراحات عن قناتك ليهم او تسأليهم عن حاجه استمري انتي وربنا يباركلك في بنوتك
 
يمكنك أيضا مشاهدة المنتدى التاريخ
ا فضفضة وتجارب واستفسارات 1
ا حوامل فتكات 2
Fahria قصص وروايات 0
Manar hassan حوامل فتكات 0
الشيماااء تفسير الأحلام 0
ت مطبخ فتكات 0
ز قصص وروايات 1
O فضفضة وتجارب واستفسارات 0
ت فرش شقة العروسة 0
N تفسير الأحلام 0
F مطبخ فتكات 1
لوليا بيرل الموضوعات العامة 0
Loly loly الموضوعات العامة 0
F الموضوعات العامة 1
Amina عيادة فتكات 0

يمكنك أيضا مشاهدة