معنديش جيران

مودة

فتوكة جديدة
السلام عليكم
حابه افضفص معاكم كنت متجوزه في بيت عيله وبعدين البيت جتله ازاله ونقلونا في مكان تاني. بس اهل جوزي كلهم راحوه مع بعض في عمارة واتا خلوني في عمارهم بعديهم. بس معرفش حد فيها وكان نفسي ابق مع حد اعرفه بس الاسكان مرضيش اني انقل من الشقه وزهقت من اني معرفش حد في العمارة كل واحد قافل ع نفسه بعكس العمارة اللي فيها اهل جوزي زهقت واتخنق وع طول منكده ع نفسي وعلي بناتي وحوزي انا كل يوم بنزل عند حماتي بس كان نفسي يبق ليا جاره لكن بدخل العمارة بحس بالختقه واني لوحدي فيها ونفسيتي تعبانه جدا
حد زي ميعرفش جيرانه وقاعد مع نفسه انا مخنوقه جدا مع ان الفرق بين وبين سكن اهل جوزي 3دقايق
 


bfifa

فتوكة ونص
ياست الكل هو فى حد فاضى لحد دلوقتى جيران ايه وبتاع ايه .. بيتك وولادك بالدنيا .. اسوا حاجة فى الدنيا الاختلاط بالجيران .. الناس لبعضها اه فى وقت الشدة بس غير كدة صباح الخير ياجارى انا فى حالى وانت فى حالك ..
 


  • Like
التفاعلات: SOLO

لوليا بيرل

فتوكة ونص
والله ماعارفه اضحك ولا اعمل ايه
بس تعالي اضحك
انا اول ماسكنت العمارة كلهم عايزين بقي نظام يتعرفو وبتاع
قفلت عليا بابي وماليش دعوة بحد
جيران ايه بس وبتاع ايه الله يصلح حالك
ليه ماتشوفيهاش انها نعمة من ربنا ليكي
مش ممكن ربنا بيبعد عنك اذي هايجي منهم ؟؟
احمدو ربنا يا جماعه في ايه احنا ف اي عصر
ليه مابنشفش ان كل حاجه بتحصل بحكمة من ربنا ولازم نقول الحمدلله يارب ابعد عني اي اذي واللي فيه الخير قدمهلي
جارتنا زمااااااااااان عند اهلي دخلت بيتنا سرقت كلللللل دهبنا يافرحتي بلجيره اللي كانت بتيجي ثقه تاكل تشرب تقعد ف اودة النوم.
ف الاول والاخر الجيران دول ناس غريبه
فا بلاش ف الزمن تأمني لوحده غريبه تدخل بيتك وتشوف حياتك وتعرف اسرارك ربنا يبعدنا عن اي شر
وياستي سيبي حماتك نبسط بجارتها وماتتغاظيش منهم
مش كل الناس زي بعض ايش يضمنك ان جارتك هاتكون كويسه زي جارة حماتك مثلا
خليكي ف حالك احسنلك وانتي حرة
 


يمكنك أيضا مشاهدة المنتدى التاريخ
رحمتك يا الله شكاوى المحتارة 1

يمكنك أيضا مشاهدة