انا شكلى وحش اوى وتعبانة

المحتارة

Member
فتكات المحتارة
انا وحشة جدا يابنات والله وده مأثر على نفسيتى مخليها زى الزفت وبحس انى دايما قليلة اودام كل الناس ومخلينى مش عارفة اتكلم مع الناس كله بيقول عليا هادية وماليش فى الكلام واصحابى كل ميقابلونى يقولولى بدأتى تتكلمى ولا زى ماانتى طبعا غير ان شكلى خلانى ميجيلش عرسان اتنين شافونى واقل منى بكتير جدا وسمعت من برة انهم قالو عنى وحشة والله باللفظ كده اضطريت انى احط مكياج عشت ايام عذاب محدش داقها اما تحسى انك قليلة مش ليكى اصحاب ولاحد بيحبك وكله بيقلل فيكى مكنتش بخرج حبست نفسى عايشة على حلم انى الاقى فتى احلام جميل ياخدنى من دنيتى الكئيبة قريبتى فى نفس سنى واجنبية وكلية قمة كل شوية مامتها تقول ده عرسانها كتار عايزين يبوسوا رجليها عشان توافق عليهم ونقت اللى عايزاة وعايشة معاه احسن عيشة وبيعشقها ومجنون بيها بحس ان الحلوين بياخدوا كل اللى عايزينه عمرهم مبيشوفوا حاجة وحشة كفاية ان اجوازهم بيكونوا طايرين بيهم وبيجبولهم لبن العصفور المهم انها ترضى عنه انا قريبتى دى كده بيعشقها
انما انا واخواتى وحشين عرساننا قليلين كلنا متجوزين ناس اى كلام وكمان مش عاجبينهم مع انى انا بالذات والله بخدمه بعيني وبعمل اى حاجة عشان يرضى عنى وبغير عليه من الهوا الطاير وكان متقدم لقريبتى ورفضته طبعا هو الوحيد فى عيلته اللى واخد واحدة مش حلوة بحط مكياج ادامه علطول وعرفت انه اتجوز بعقله عايز واحدة تخدم اهله لانه الابن الوحيد ومتعملش مشاكل عارفة اما تحسى انك متجوزة كدة وخلاص يعنى مش اعجاب بتكون صعبة اوى طيب فين كيانى وشعورى نفسى احس انه بيحبنى انا لشخصى
نفسى ابطل حسد فى الحلوين بس مش قادرة لانى بلاقيهم واخدين كل حاجة فى الدنيا ثقة بالنفس وجمال وبلاحظ ان اغلبهم مرحين ودمهم خفيف سامحونى يابنات بس مش قادرة والله بصلى وابكى اقول يارب ميزنى عنها نفسى احس انى احسن منها فى حاجة خصوصا ان زوجى بيحب يعرف اخبارها هو كويس بس بحس انه فضول منه يعرف اخبارها لانها عالية اوى وعايزة واحد عالى جدا
 
رد: انا شكلى وحش اوى وتعبانة

يا حبيبتي خلي عندك ثقة في نفسك دي مشكلتلك

عموما الجمال مش بيدوم اهم حاجة الروح الحلوة

وحبي نفسك لازم لانك لو حبتيها الناس هتحبك

انتي مش وحشة بس ثقي في الله وفي نفسك وربنا جميل يحب الجمال يعني ربنا بيخلق كلة جميل

وانتي ان شاء الله بكرة هجيلك زوج صالح ربنا هيجبلك انسان كويس بس متقوليش كدة استغفري الله

وادعي كتير ربنا يرزقك بالزوج الصالح يارب
 
ل

لؤلؤة

غير مسجلة
حبيبتي خللي عندك ثقه في نفسك و قدري نفسك والله موضوع الواحدة اللي جوزها بيعملها الف حساب و يتمنالها الرضى ده ملوش علاقة بالشكل خالص والله شايفاها في ناس حواليا الشخصية هي اللي بتفرق بجد في شخصيات بتعرف تفرض نفسها و تاخد حجمها
 
ا

ام فاطمة

غير مسجلة
مفيش حاجة اسمها واحده وحشه
خلي عندك ثقه في نفسك
الي الي فيكي وحش وغيريه !!
سنانك؟ علجيها
وش رفيع امليه بدهون ذاتيه واعملي تجميل
ارسمي حواجبك وانفخي شفايفك
ايوة اعملي تجميل عادي
عندك بقع شليها
اتعلمي الرقص واختلطي بالناس
مفيش واحده حلوة وواحده وحشه
انتي محتاجه تنمية بشريه وانك تقري عن التغير والثقه بالنفس
 
التعديل الأخير بواسطة المشرف:
بيةون في دكتورة اسمها مساعدة نفسية
دي غير الدكتورة النفسي
لانها مش بتدي علاج
لا هي علاجها بالكلام
هتساعدك كتير
حاولي توصلي لدكتورة كده
وتابعي معاها وكمان في بيكونوا بالتليفون
تبعتي الكشف فوري وتكلميها في التليفون ده لو مش عايزة تروحي بنفسك

وطبعا القرب من ربنا هيبعد عنك وساوس الشيطان ويخلي عندك سكينة وطمأنية
 

يمكنك أيضا مشاهدة