فرحى بعد شهر وصدرى فى حاجه غريبه

المحتارة

فتوكة ونص
فتكات المحتارة
انا بنت عندى 18 سنه
من وانا عندى 9 سنين مكانش فيا صدر طبعا او بمعنى اصح حاجه كده قد البليه
بس كان عندى زى حجات ناشفه كده فى صدرى بتتمسك وبتوجعنى جداااااااا
قولت لماما خافت عليا وودتنى لجدتى تسألها
جدتى قالتلى ده بدايه علامات البلوغ والحجات دى هتفك لوحدها
عشان دى الحجات اللى بتبقى جوه بتكبر الصدر
المهم ماما مطمنتش بردو وقالت تتأكد وودتنى لدكتور
فضل يعفص فى صدرى وقال ان دى فعلا علامات البلوغ
وخلاص نسيت الموضوع وقولت لما ابلغ بقى هتبقى تفك
بلت فى سن 12 سنه وصدرى كبر بس بردو الحجات الناشفه دى مراحتش
ولسه لحد الان موجوده بردو وانا مش عارفه اعمل ايه
معقول بعد 6 سنين من البلوغ ولسه بردو ؟؟
حاجه غريبه صح؟
انا قلقانه جدا
بس محرجه اقول لماما عشان هيه كل حاجه عندها الدكتور تقوللى هوه يعرف اكتر
وانا مستحيييل طبعا اروح لدكتور ويمسك صدرى زى ما كنت صغيره
ولا حتى اروح لدكتوره عشان بتحرج جدا
ومحرجه اقول لماما ومش عارفه اعمل ايه

المشكله انى هتجوز كمان شهر والمشكله دىى معقدانى بجد
ده انا صدرى بيوجعنى لما انام على بطنى واضغط عليه
امال هعمل ايه بقى فى الجواز

وكمان عايزه اعرف معقول ده طبيعى ولا ايه
بالله عليكم طمنونى
وياريت المشرفه العسله تنزل موضوعى بسرعه عشان محتاجالكم فعلا والله
وانا متهيألى مقولتش حاجه خارجه
انا بس حبيت اوضحلكم على قد ما اقدر
ولو فى حاجه خارجه ياريت المشرفه تظبطها وتكتبها بالطريقه اللى هيه عايزاها
بس متحذفش الكلمه عشان انتو تفهمو

وياااااااااااااااااارب اللى ترد عليا وتنصحنى ربنا يارب يحققلها كل اللى بتتمناه
واللى فى كرب ربنا يفك كربها
واللى مخطوبه ربنا يتمم معاها على خير
واللى لسه ربنا يارب يرزقها بالزوج الصالح عن قريب وتتجوز قبلى كمان
واللى مستنيه نونو ربنا يتمم حملها على خير وتجيب احلى نونو فى الدنيا
يالهووووووووى كفايه ده انا حسه انى بشحت
 

يمكنك أيضا مشاهدة