نصيحة لكل ام

ا

امل بلال

غير مسجلة
الحب كلمة صغيرة لكن معناه كبير الحب اقوى عاطفة لو استكنت بين جوانح الانسان حتدفعه للعطاء والبناء
الحب بيحول المر للحلو والالم لشفاء والسجن لروضة والقهر لانشراح والمجتمع الى لا تبنى علاقاته على المحبة بيتحول لالة صماء مفيهاش الا الضجيج وبيكون مجتمع الكره والانانية
بس لو ساد الحب فى المجتمع مش حتحتاج الناس الى القانون ولاسرة اول كيان فى المجتمع والحب اول جوهر اساسى فى نجاحه والتعبير عن المشاعر لولادنا واظهار المحبة والود والحنان ليهم له اهمية كبيرة
ومافيش شى مهم وجميل للطفل اكتر من انه يحس بالمحبة لان المحبة بالنسباله اهم من الاكل هى احتياج عاطفى مهم ليه لانه بكده بيحس بالامان والاستقرار
وعشان كده اغمرى طفلك بمشاعرك الدافيه عشان ينشاء عنده مفهوم الحب والعاطفه ويشعر انه محبوب ومرغوب ويكون من السعداء فى الحياه
واحسن طريقة توصل حبك لابنك وتبنى بينك وبينه المحبه انك تفتحى قناه توصيل المحبه له وتعبرى عن محبتك بالتعبير اللفظى بانك تقولى له انا بحبك يابنى وتكون بمشاعر صادقه مش مزيفه لان مالا يعبر عن حبه كانه لم يحب والرسول قال اذا احب احدكم اخاه فليخبره انه يحبه وولادنا هم فى الاساس اخوات لينا فى الاسلام وازملاءنا فى اختبار الحياه
وفيه تعبير غير مباشر زى انك تحضنيه وتبتسمى فى وشه ابتسامة هاديه وتقوليه بوس ايدين ماما بوسة الحسنات
بجد اخلقى جو عاطفى ومرح بين اولادك وعيشيهم كل لحظة فى عمرهم وقضى معاهم احلى اللحظات عشان تكونى طبقتى المودة والمحبة الى الاسلام امر بيها
 



يمكنك أيضا مشاهدة