مطلقة شمال

N

Nour El Kamar

غير مسجلة
انا حاليا ٣٣ سنه اتجوزت وانا صغيرة وخلفت بنتين

وزوجى بالرغم اننا واخدين بعض على حب مكنش متحمل مسؤلية وبيخونى

أطلقت فى سن ٢١ ورجعت بيت اهلى عشت مع امى واختى الصغيرة وبناتى

ركزت ف شغلى بس وبقيت اصرف على البيت وبدأت من تحت الصفر

عدت سنين والأخت الصغيرة كبرت وامى تحملت منها قسوة وضرب وإهانة

مفهوم الأدب عندها انعزال عن القرايب والزمايل والاصدقاء الستات حتى وكله

وصلت لمرحلة من المعايرة والطرد لبيت اختى المتجوزة كل فترة وبيت بنت خالتى مرة المتجوزة وخالتى مرة .. كنت مشتته ولكن مكمله شغلى

كل ده لو فكرت اكسر القاعده واحس انى انسانه

النتيجة سبت البيت ف سن ٢٦ وعشت لوحدى وكانت بتمنع بناتى عنى اشوفهم ويجو بيتى عشان انا بشتغل وبصرف وبالنهار فالشغل فغصب عنى محتاجه تراعيهم لحد ما ارجع.. كانت منعاهم عنى خالص

ومقدرش اسيب شغلى وكنت بتحمل اذاها وببعت مصاريف ليهم كمان

رجعت لابو بنتى بعقد جواز عرفى

ومع انه اتغير للأسوء وكان متجوز ومخلف وعشان كده قلت اهو راجل قدام الناس

امى عرفت صممت انى اسيب البيت فجأة وفعلا رجعت تانى وسبت البيت خالص وكانت حجتها ده جواز عرفى وانتى مبتعرفيش تاخدى قرار صح وانتى شمال وكلام مهين اوى

الجواز بالطريقة دى كسرنى اكتر قدامها

مرت سنين تانى

والاذى زاد واختى كبرت وبقت تشارك فالاهانة والضرب

وجوزى كل ده رافض يطلقني وكان مخبى العقد معاه كمان عشان يضيع عليا فرصة انى اطلق منه لأنها اخر طلقة ما بينا

امى كمان كنت كل ما احاول اروح لمحامي او حتى اسأل اتضرب واتهان وتقولى كملى كده واسكتى كفاية عملتك السودة

المهم سنين وانا دلوقت ٣٥ كبرت اه ونضجت وحسيت انى سامحت نفسى عن كل إلى فات سواء حلو او وحش وعوزة اغير الوضع الغلط ده

قررت فيوم اروح للمحامي وقفت قصدها صممت اتقابل ده بضرب مبرح من اختى الصغيرة وامى كلام زى السم

اللى وقف وحاش عنى بنتى الكبيرة

قررت اسيب البيت فعلا وعملتها

خدت شقة وعايشه اهو لوحدى ونفس السيناريو بيتعاد

وبردو ببعت مصاريف.. حاجه بس حابه اقولها

امى كان جالها مبلغ ورث وادتهولى باتفاق انه هيبقى مقدم شقة انا مقدمه عليها وهتبقى بالنص ما بينى وبين اختى الصغيرة

لكن اختى الصغيرة بعد فترة رفضت تتشارك معايا وقالت لا ماما تكتب لى الشقة اللى هما عايشين فيها

اول ما سبت البيت طلبت منى الفلوس قلت لها

ده اتفاق وبلاش تكسرينى من كل حته هسدد واخلص مشوار الشقة

واعمل جمعية واديهم ليكى تانى ده غير التزامى اصلا كل شهر بمبلغ مصاريف للبيت عندهم

بالرغم من كلامهم وبناتى بقو يكرهونى وصل الحال رافضين يقابلونى او يجو البيت عندى ونعيش سوا وبردو اسيبهم يروحو لجدتهم

بس تم تشويه صورتى وصورة ابوهم طبعا اللى متخلى من الاول

جوزى بقا عرف إلى حصل ونفسه ومنى عينه يعيش معايا .. اتغير تانى للأسوء

مراته منفصله عنه بعيالها لانه بالرغم من شغلانته فى مكان كويس جدا الا انه مدمن حشيش وستات طبعا وكمان اخر حاجه بيشتغل فى حاجات غلط مع ناس غلط

هو بيحكيلى كل حاجه بصراحه ولما بيجى حنين عليا

وعيالى اللى رافضينى عشان البيت لسه محتاج عزال وانا ببتدى تانى من اول وجديد

هو بيتمنى يعيش معايا

الله اعلم حبه ليا ده عشان العلاقة ولا عشان انا فعلا الحب الاول ولسه بيحبنى

لو عندى امل فى تغييره هكمل بس ليا شروط وهو بطبعه صعب وخايف أتمكن من الجواز رسمى فاروح اطلق منه

وكمان مسؤلية المدراس الخاصة والمصاريف ومصاريف البيت هناك عند امى

والايجار والبيت والعزال كل ده ضغوط وهموم

.. وانا لوحدى بس ربنا مقوينى وموقف لى ولاد الحلال فعلا وعندى امل يكمل خطوة الشقه وادعوا لى من قلبكم

انا ست عايشه من بيتى لشغلى وربنا شاهد وعالم

وما بين الف نار

والوحدة تقتل بذات انى ام ومش ام

ولادى يتصلوا بس لما يعوزو فلوس

غير كده انا ام أنانية ف نظرهم ومشيت وسبتهم وكل محاولاتى بتفشل معاهم



...

مش عوزة أقف ف وش امى لانها ست مريضة وبخاف عليها تتعصب يجرالها حاجه وصابره

... متحمله الاهانه وصابره

وجوزى ده كمان مش عارفه خايفه أقف جنبه وهو بطبعه والوحش إلى شفته منه

يضيع كل حاجه واضيع اكتر واكتر



فكرت اتبنى طفل واكفله واحس انى ام واخد الثواب واهو مبقاش وحيدة لحد ما الأمور تتحسن



افيدونى