محتاجة رايكم

دوار الشمس

فتوكة جديدة
بصو يا بنات هقول كلام كتير بس بدون تجريح قولو رايكم لاني مش عارفة اعمل ايه وحاسة زي ما يكون كنت في حلم وصحيت. في 2016 جاه زميل جديد في الشركة اللي انا شغالة فيها من محافظة تانية كان فيه مشاكل وهيطلق مراته وكان معاه منعا بنت. زميلة لينا في الشغل رشحتني ليه وبالرغم انه كان 31 سنة وانا كنت 35 سنة هو وافق المهم اتجوزنا في فى اخر 2017 والدنيا في الأول كانت كويسة بس حصل خلافات ما بينه وبين ابويا بسبب اني كنت بروح كتير عندهم وهو اعترض انه يبقى في البيت لوحده و انا عند اهلي اتخانقنا مرات كتيرة بسبب ده والموضوع وصل أن بابا تدخل وبابا بطبعه عنيد شوية ورفض اني ارجع وطلب طلاقي ورحت قعدت في بيت اهلي.... بعدها جوزي جات له سفرية في السعودية وعمل اجازة وسافر فعلا..... بس احنا في الأول ما صدقناش لما قال لنا أنه مسافر وهيرجع بعد سنة و قلنا يمكن هو بيقول كده ونقل فرع تاني للشركة . بابا خد اخواتي وفتح الشقة خد العفش نقله في بيتنا و ضغط عليا علشان اعمل لجوزي قضية تبديد، جوزي بعت حد من اهله علشان يتكلم في إني ارجع وبرضو بابا مرضيش وهو كلمني من السعودية وانا تأكدت انه سافر فعلا.. بس للأسف كان الوقت متأخر لأنه أهله طلبو من بابا آننا نرجع وبرضو بابا رفض وصمم على الطلاق بس بابا كان بيقول كده عند مش اكتر.... ولكن لما جوزي عرف اني عملت عليه قضية راح السفارة عمل توكيل طلاق لاخوه وطلقني وهو في السعودية..والي الان ما نزلش اجازة..... لما هو سافر انا كنت حامل في ابننا واتولد وهو مسافر والي الأن مفكرش يكلم ابنه اللي بقا عنده حوالي 3 سنين وانا حاسة اني شيلت ذنب ابني ومش عارفة اعمل ايه. هو دفع كل حاجة ليا وبيدفع نفقة لابني بس انا حاسة اني ضيعت نفسي وضيعت ابني معايا. وعايزاه يقولي ارجعي بس للأسف كل حاجة انتهت.
 

bfifa

فتوكة ونص
بجد غلطى غلط كبير انتى وباباكى فى حقه
ازاى توصل درجة العند بوالدك انه يخرب عليكى ويطلقك كدة .. وانتى كنتى فين حبيبتى.. ازاى تعملوا للراجل قضية تبديد ازاى كدة .. ساعات كتير الاهل بيظلموا ولادهم بجد .. استفاد ايه دلوقتى لما قعدك جانبه .. بصى يابنت الناس دى حياتك انتى اللى هتعيشيها مش والدك .. اذا قدامك فرصة انك تتواصلى معاه وتعتذريله وتندمى بجد قدامه على انك ضيعتى البيت وضيعتى سنين من عمر ابنك من غير مايشوف ابوه .. انتى ظلمتى نفسك وظلمتى جوزك انتى ووالدك وقبلهم ظلمتى ابنك اللى مالوش ذنب فى عند ابوكى
حاولى وماتيأسيش
حاولى وابدئى حياتك من جديد
حاولى حتى لو طليقك سمعك كلام بايخ من حقه بعد اللى عملتوه فيه
حاولى
مرة واتنين وعشرة ومليون لغاية لما يرجعك الاعتذار من شيم الكبار وانتوا مش غلطوا فيه وبس لا دة انتوا طلعتوه حرامى وبدد العفش .. منتهى الاهانة بجد
ارجعى لنفسك ورجعى جوزك ورجعى بيتك
 
ج

جيجي

غير مسجلة
ما تحاولى تبعتيله ايميل لو هو لسه مرتبطش وقوليله ان اللى حصل غصب عنك واحكى معاه وانك نفسك ابنكم يتربى بينكم
 
ع

عابدة

غير مسجلة
كثرة الاستغفار و الصلاة على رسول الله صلى الله عليه و سلم و سورة البقرة..فيكي تروحي للنت و تبحثي عن فوايدها..و اجعلي النية انو راجلك يرجعلك لو دا فيه خير..فعسى ان تحبوا شيئا و هو شر لكم.
 

يمكنك أيضا مشاهدة