انا بكره نفسي عشان جسمي تخين ودائما بشوف كل البنات حلوه إلا انا

ب

بسمله

غير مسجلة
انا بكره نفسي اووي انا عندي 18 سنه ف مدرسه من وانا صغيره كنت تخينه وشكلي مش حلو و دائما كنت بشوف صحابي حلوين إلا انا وده كان وجعني والشخص الوحيد اللي حبتو ف حياتي فضل ٦سنين أحبو محبنيش عشان شكلي مش حلو مش عندي ثقه ف نفسي وبقول مين هيحبني انا متحبش انا ونزني 89 ونفسي اخس اووي ومش بعرف كل مره كنت بفشل مش بحب اتصور مع صحابي عشان شكلي بيبقا وحش وهمه بيبقو حلوين كل صحابي اتخطبو معده اناا انا وحشه اووي يابنات ومعنديش حد بيحبني ده سبيلي مشاكل كتير ف حياتي بقيت بكلم ولد كتير بس مبقبلهمش وبعد مبقبلهم مش بيبقو عايزين يكملوا معايا هو انا عمري مهتحب نفسي اخس وببقا شكلي حلو وافرح بشكلي زاي كل البنات مش عارفه اعمل ايه بس انا بجد مخنوقه جداا ومليش حد بكره كل الناس ومش بحب اتعمل مع حد هو انا كده مرضه كتير بقول انا جيت الدنيا لي وعشان مين انا مليش حد فيها حته ابويا وامي مش بيحبوني علاقتي بيهم سطحيه همه اللي عودتني علي كده بقيت ادور علي الحنيه براا مفيش حد من اخواتي مره خدني ف حضنو وحسسني بالحب كلهم مش بيحبوني عشان همه دائما شيفني وحشه وانا صدقت اني وحشه وبقيت بعمل كل حاجه وحشه بس انا مش عارفه هو انا بقيت وحشه بجد ولا لسه نظيفه مفيش حد قريب مني عمري مشوفت حنان العيله والاب ماما وبابا جبوني وهمه كبر ف محستش بافالطي كبرت شوفت كره ف دورت علي برا حد يطبطب علي بيتحكمو في ف كل حاجه اكلم مين البس اي انزل فين منزلشي انا مخنوقه اووي وتعبانه التعب اللي في كتير اووي قلبي وجعني انا بكره كل الناس كل صحابي بيفضلو معايا فتره صغيره ويسبوني انا كرهت الدنياا اعمل اي نفسي اموت ودخل الجنه مش عايزه حاجه تاني واللهي انا معنديش طاقه اكمل يوم تاني
 
ا

امل

غير مسجلة
حبيبتي هونى على نفسك كفاية انك اغلى مخلوق على الله سبحانه وتعالى
مفيش بنت وحشة حتى لو سمراء اوى بتلاقى ضحكتها تجنن وملامحها قمر
انتى اهتمى بنفسك ودلعيها وحبيها علشان اللى حواليكى يحبوكى لو انتى مش بتحبى نفسك عاوزة اللى حواليكى يحبوكى ازاى
اتمرنى بصى لنفسك فى المرايا وقوليلها بحبك
اسمعى دكتور ابراهيم الفقي عن تقدير الذات وصفحة لو نفسك تخس على الفيس اسمعى فيديوهات هم واتشجعى وخسى معاهم نظامهم مشبع وصحى وسريع عن تجربة
ربنا يسعدك يا حبيبتى ويريح بالك
 

وفاء

فتوكة جديدة
والله ازا بنتى نفس مشكلتك ولا ليها صحاب ولا ليها حد وانا امها وبحاول اصحابها بتبعد عنى ومش عارفه اعملها ايه
 
ض

ضيفة بحب فتكات

غير مسجلة
مش يمكن المشكلة مش في شكلك خالص المشكلة في طريقة تعاملك مع الناس ومع نفسك وبالتأكيد قبل كل شئ علاقتك بالله عز وجل أصلحي علاقتك مع الله بالعبادة الصحيحة والصلاة

وأصلحي علاقتك مع نفسك حبيها قبل ما تطلبي من اي حد يحبك حبي نفسك

وأصلحي علاقتك مع صحابك معظم الصحاب بيصاحبوا بعض مش عشان الشكل المهم التعامل يكون حلو والاحساس بالغير ومراعيته
يمكن بيسبوكي لان معاملتك معاهم مش عجبتهم

اتعلمي ازاي تتعاملي مع الناس بحب وطيبة وهتلاقي الدنيا بتتغير في عينك عاملي الناس زي ما تحبي انهم يعاملوك بإبتسامة وبدون انتقاد وبالمدح بدون نفاق وبرحابة الصدر

ماما وبابا بالفطرة بيحبوكي صلحي علاقتك معاهم هم أهم حد في الدنيا بعد ربنا عز وجل ابتسمي لهم ساعديهم في شغل البيت والاكل وبوسي ايديهم وكلمة حاضر دايماً إسمعي كلامهم وطيعيهم بابتسامة وادعي لهم وادعي ربنا يصلح علاقتك معاهم ومع الدنيا كلها ويرزقك الصحبة الصالحة

وإقري كتب عن التعامل مع الناس أنصحك بكتاب (كيف تكتسب الاصدقاء وتؤثر في الناس) للكاتب ديل كارنيجي
 
ض

ضيفة بحب فتكات

غير مسجلة
مش يمكن المشكلة مش في شكلك خالص المشكلة في طريقة تعاملك مع الناس ومع نفسك وبالتأكيد قبل كل شئ علاقتك بالله عز وجل أصلحي علاقتك مع الله بالعبادة الصحيحة والصلاة

وأصلحي علاقتك مع نفسك حبيها قبل ما تطلبي من اي حد يحبك حبي نفسك

وأصلحي علاقتك مع صحابك معظم الصحاب بيصاحبوا بعض مش عشان الشكل المهم التعامل يكون حلو والاحساس بالغير ومراعيته
يمكن بيسبوكي لان معاملتك معاهم مش عجبتهم

اتعلمي ازاي تتعاملي مع الناس بحب وطيبة وهتلاقي الدنيا بتتغير في عينك عاملي الناس زي ما تحبي انهم يعاملوك بإبتسامة وبدون انتقاد وبالمدح بدون نفاق وبرحابة الصدر

ماما وبابا بالفطرة بيحبوكي صلحي علاقتك معاهم هم أهم حد في الدنيا بعد ربنا عز وجل ابتسمي لهم ساعديهم في شغل البيت والاكل وبوسي ايديهم وكلمة حاضر دايماً إسمعي كلامهم وطيعيهم بابتسامة وادعي لهم وادعي ربنا يصلح علاقتك معاهم ومع الدنيا كلها ويرزقك الصحبة الصالحة

وإقري كتب عن التعامل مع الناس أنصحك بكتاب (كيف تكتسب الاصدقاء وتؤثر في الناس) للكاتب ديل كارنيجي
 

يمكنك أيضا مشاهدة