مش عارفه اكتب عنوان للموضوع لان الى جوايا اكبر من اى كلام

المحتارة

فتوكة ونص
فتكات المحتارة
السلام عليكم ورحمة الله وبركاته
مبدئيا كده انا انسه عندى 36 سنة طبعا قبل مااكمل عرفتو هتكلم فى ايه
وهو الزواج طبعا مجتمعنا بيبص للبنت الى وصلت للسن ده بانها عانس وياعينى وحرام كنت الاول فعلا ميهمنيش بس كل انسان ليه طاقه وقدرة احتمال انا كل بنات عائلتى كلهم بلا استثناء اصغر منى بعشر سنين والى اكبر اتجوزو ربنا يسعد الجميع لكن فعلا بقو ميكلموناش بقو يخافو يقولو اى حاجه بيتصلو للشكاوى فقط وكلهم بقو حبايب مع بعض فعلا المصالح بتصالح ماعلينا ربنا يوفق الجميع
كل الى طلباه منكم انكم تدعولى ان ربنا يرزقنى بالزوج الصالح عاجلا وينصرنى نصرة يتعجب لها اهل السموات والارض لان بجد انا تعبت ونفسي اطمن اهلى عليا وعارفه ان فى مثلى كتير بس انا بجد تعبت ومحتاجه ربنا يراضينى ويجبر بخاطرى حتى كنت بشتغل وتركت الشغل لانه قفل وطبعا فى سنى ده مافيش اى فرصة قدامى لانى كمان فى بلد مش مفتوحه او مجالها واسع وممنوع السفر لاى بلد بسبب ظروف ليا وحتى مالناش معارف ولا اختلاط بالناس حتى لما حد يعرف انى وصلت لسن ده من غير زواج يستغرب ولا اكنها جربه
انا بصلى قيام الليل وبقرا قران وبدعى كتير اووى وبقرأ سورة البقرة بس يمكن حد اقرب منى لربنا يدعيلى
واسفه على الاطاله والحمد لله على ماانا فيه احسن من غيري الف مرة بس محتاجه ربنا يراضينى بجد ادعولى
 

SOLO

فتوكة
ربنا يراضيكى ويجبر بخاطر
يارب ويرزقك بالزوج الصالح عاجلا غير اجلا ويفرح قلبك يااارب
 
ش

شمس و قمراية

غير مسجلة
ممكن تتجوزى و تبقى حياتك اتعس
و المصيبة ان ممكن ما تقدريش تتخلصى من حياتك
طالما مافيش حاجة منغصة عليكى عيشتك فكده تمام
انعدام الضرر هو الاساس
جلب المنفعة حاجة زيادة
ادعى براحة البال و السعادة طول حياتك و خلاص
بالنسبة للناس لو شافوكى سعيدة و مش بتتكلمى فى الموضوع ده فحيقتنعوا انك سعيدة فعلا و مش فارق معاكى و حيبطلوا يضايقوكى
و افتحى انتى مواضيع لما تلاقى حد انك تقولى السعادة فى حاجات ملموسة ككون الواحد ييجى له مبلغ مليون جنيه و يبقى صاحب مصنع مثلا
 
  • Like
التفاعلات: SOLO

يمكنك أيضا مشاهدة