حموت من القهر

اميرة باخلاقي

فتوكة جديدة
لوسمحتوا انامحتاجه حل لمشكلتي لان تعبانه ومليش حد ابوياوامي متوفين دلوقتي حمايا متوفي بقاله حوالي 3سنين ومن وقتها وحماتي قررت تبيع شقتها كانت شقه كبيرةوجميله عشان تسدد دين بنتها الصغيره اللي خلتها جابت توتوك بالقسط عشان قال إيه يساعدها في المعيشه وكده مع انها والله مش محتاجة خالص ورمت الشقه بمبلغ مش كويس المهم دفعت لبنتها20 الف والباقي جابت بيهم شقه صغيرةاوضه وصاله وبعدين مرضتش تعيش فيهابحجه انها بتخاف تقعد لوحدها فبقت تروح تقعد عند كل حد من عيالها شويه هي عندها 3 بنات سكنين جنبهامش بعيد عنها وانا جوزي ابنها الوحيد والكبير وبقت تيجي تقعدعندي بالاسبوع او عشر ايام كل يوم لازم تاخد شاور وتسيب هدومها في البانيو كنت كل يوم اغسلهم علي ايدي لان غسالتي متتحملش غسيل كل يوم وكمان بتيجي تاخد اي حاجة تستعملها شامبو شاور معجون اسنان تخلصهم في فتره قليله انا بشتري الحاجه دي من مصروفي الخاص وطبعا ابنها بيديني بالعافية100 جنيه لانه عليه قرض واقساط وحالته علي اده وهي ما شاء معاشها كويس جدا بتيجي مش جايبه حاجه لولادي ولا حتي كيس شيبس ولا تديهم حاجه غير في العيد بتدي كل عيل 20 جنيه وبس ده غير تدخله في كل شيء في حياتنا وبتطلع تطفي علينا المروحة واحنا قاعدين مع اني دور اخير وسطحي مش معزول لانها بتكون مستحميه بمايه دافيه حتي في الصيف لما اتكلمتمع جوزي اني تعبت وبناتها اولي بيها وانا والله صحتي علي قدي يعلم الله عندي خشونه والشوكه العظميه ومعايا 3 أطفال مطلعين عيني لما كلمته قالي اعمل ايه وحصل بينا مشاكل كتيييييييييير وهي بتيجي تقوم بيتناحريقه من كلمه تتقمص وتخليه يتعصب ويضرب العيال ووقفت علي الطلاق كذا مره وهي والله العظيم مش تعبانه ولا بتشتكي من اي مرض يعني تقدر تخدم نفسها بس بتيجي تقعد ست متشلش الياسمينا من الارض حتي هدومها لازم انا اغسل وانشر والمها واطبخ وانظف واذاكر لولادي وانشف الحمام بعد اما تخرج واشوف طلبات بيتي وهي قاعدةبس وماسكه ريموت التليفزيون واكتشفت بعد كده انها مش بتصرف عند حد عشان توفّر معاشها لبنتها اللي هي اصلا والله مش محتاجه نهائي وما شاءالله جوزها جايب عربية أحدث موديل دلوقتي انا مش عارفه اعمل ايه تعبت ومش قادره بجد اتحمل طاقتي خلصت وعلي فكرة هي اذتني اول جوازي كتيييييييييير وعمرها ما خدمتني وانا والده ومعنديش ام ولا اخت ولا افتكر مره عملتني ربع بناتها يااااااما شتمتني واهانتني وقالتي ده بيتي وبيت ابني وحاجات كتيره من كده ومعندهاش حنيه خالص علي ولادي بس اهم حاجه عندها عيال بنتها الصغيره وبس دول اهم حاجه في حياتها بجد اعمل ايه جابتلي اكتئاب وخلتني كرهت ابنها وكرهت نفسي
 
N

News 123456789

غير مسجلة
مفيش في ايدك غير انك تصبري لغاية ما هي تزهق و تمشي
 
س

ساره سيد

غير مسجلة
ممممم طبعا يامحتاره انتي مظلومه
بس صدقني مفيش اي حد هينفعك لو حصلك حاجه
لا تزعلي ولا تكتأبي عشان الزعل وحش عليكي
ولا تيجي علي طاقتك وجسمك اوووووعي اووووعي
وقولي لجوزك ركبتي وجعاني وعايزه اكشف وامسكي في المرض
وقولي لا قادره اخدم ولا قادره اتحرك
ولو حاجه هي هتستخدمها مم فلوسك متشرهاش
غلطانه انك قلتيله كده عشان.عمره ماهيمشي مامتك عشانك اي راجل كده
عامليها حلو من فوق
وطفشيها من.تحت لتحت
ومتعمليش حاجه وقولي تعبانه وصحتي راحت
وكمان عايزه فلوس عشان.اكشف
واشتلغللهم في الازرق
 

يمكنك أيضا مشاهدة