هربت وسبت البيت من سنين

المحتارة

فتوكة ونص
فتكات المحتارة
انا عندى 30 سنه, محطمه نفسياً , اتبهدلت اوى وانا صغيره, كنت بحلم كل يوم باليوم اللى اسيب فيه البيت, حياتى كانت جحيم, جالى لامراض نفسيه وكنت عاوزه اموت, مش هحاول ابرر كتير لنفسى, مش هقدر اقول انى مستحملتش وهربت وسبت كل حاجه ورايا, اهلى اللى تعبولى نفسيتى بأنانيتهم واخواتى اللى ملهمش ذنب غير انى كنت ضعيفه ومقدرش استحمل, وهمت فى الدنيا, الدنيا اخدتنى وودتنى والايام شفت جروحى وبقيت احسن, اتصالى بأهلى لا يتعدى مكالمه تليفونيه كل فين وفين, فى السنين الاولى, كانوا بيحاولوا يرجعونى بس كل سنه بتعدى خلاص الحقيقه انى مش هرجع بقت ثابته فى عقولهم, بعد ما السنين عدت كل القسوه اللى شفتها من جوز اب ولا مرات ام ولا اب عمره ما حبنى وطردنا من بيته وكل الحاجات اللى شكلتنى ودمرت نفسيتى اصبح لا معنى لها, الدنيا زى ما مشيت بيا مشيت بيهم وزى ما الزمن غيرنى غيرهم, وخلاص زى ماهم مبقوش فارقين معايا انا كمان مش فارقه معاهم, كبرنا خلاص, اخواتى اتجوزا وشافو ا حياتهم حتى ابويا شاف حياته وقعد يخلفله كل سنه واد ولا بنت من مرااته الجديده وعمره ما حاول يدور عليا ولا يتكلم معايا, الوحيده اللى فاكرانى هى امى وهى سبب عذابى, انا مش بلومها على اللى حصلى وانا صغيره خلاص مبقتش الوم حد بس قربى منهم بيتعبنى وبيفتح الجر جوايا, دلوقت ذى ما قلتلكم انا على علاقه سطحيه جدا بيهم, فى يوم كنت بقول لنفسى مسيرى ارجعلهم بعد ما الدنيا اتغيرت لكن بقيت بكبر وانا معلقه حياتى بيهم رغم بعدى عنهم مش عاوزه اتجوز عشان هتجوز ازاى من غير اهل ولما بسمع اخبارهم اخواتى اللى اتجوزا وخلفوا بدل العيل اتنين كانت بتصعب عليا نفسى اوى, انا الوحيده اللى بتدفع التمن, السنه اللى فاتت قابلت راجل حبنى اوى وعرض عليا الجواز وانا مقدرتش اخبى عليه وقولتله ان مش هينفع نتجوز وقلتله قصتى (اللى انا مقلتهالكوش واللى دفعنى انى اسيب البيت) وهو كان متفهم جدا وقال خير انشاء الله, مفيش اسبوع كان مكلمنى تانى ومصمم على الجواز, اتجوزنا, اهله عارفين عنى انى منفصله عن عيلتى وهو عاملى كرامه اوى معاهم لدرجه انهم عمرهم ما سألوا ليه لكن بقوا زى اهل ليا, امه بتحبنى اوى وابوه بجد راجل مش من الزمن ده, ناس طيبه اوى اوى , جوزى نفسه طيب اوى عامل زى باباه, ناس متربيه على الحب, عيله متماسكه اوى, بيحبوا بعض جدا وبيحترموا بعض جدا, بقوا الغيله اللى كنت بحلم بيها,
ورغم ذلك كنت باخد من وراه حبوب منع الحمل عشان خايفه, اهلى رغم كل العقد اللى فيا بيوحشونى وخايفه اواى هرجعلهم بعيل وهم ميعرفوش اصلا انى اتجوزت, دلوقت ودى مشيئه ربنا انا حملت وكنت بقل يا رب من عندك الحل يا رب والبيبى قوى اوى ومتثبت والحمل ماشى طبيعى وجوزى فرحااااااان اوى واهله فرحااانين اوى ولو طايلين يجيبولى الدنيا كلها هيجيبوها, مش عارفه اعمل ايه, كلمت امى من اسبوع اقولها بس لاقيتها مش متقبله الفكره, حاولت امهدلها, بس هم متوقعين ان انا هفضل زى الطير الغريب لحد ما ارجعلهم ندمانه زى ما هم كانوا بيقولولى دايما


عقلى بيقولى يا بنتى انسى ربنا كتبلك حاه جديده مليانه ناس بيحبوكى بجد وبيراعوا ربنا فيكى وقلبى تعيان ومش لاقيه حل لتعبى
 

Mariam MOo

فتوكة ونص
انا حاسه بيكى لانى مريت بتجربه مشابه زمان.....المهم دلوقتى انتى تقولى لجوزك وتاخدى رايه وتسأليه اقولهم ولالا وشوفيه هيقولك اى قالك قوليلهم تمام قولى لمامتك بس قالك لا متقوليلهمش يبقى خلاص تسكتى ومتكلميهمش فى اى حاجه.....اهلك الى دمروكى زمان مش هينفعوكى دلوقتى وهيدمرولك عيلتك الجديدة بعد مالقيتها بعد عناء ...وبدال انتى كنتى بتاخدى موانع للحمل وبردوا حملتى يبقى دى رساله من ربنا ان الطفل دا فى عوض كبييير ليكى ....متخسريش جوزك وعيلتوا عشان ناس باعوكى زمان حتى لو عيلتك اسألى جوزك وزى مايقولك اعملى ....انا بكلمك عن تجربة
 

Amals

فتوكة
مهما كانوا الأهل وحشين مفيش حاجة فى الدنيا تخلى البنت تسيب بيت اهلها و تعمل اللى عملتيه
 
م

منار

غير مسجلة
كان فضلي خطوة واعمل زيك بس امي اطلقت من جوزها وقررت افضل ... بس مكنتش هطفش هما مكنش عندهم مانع اني اغور ف اي داهيه ... كلميها قوليلها انك اجوزتي واعتقد ده الوقت المناسب..... انا نفسي اجوز عشان اشوف اخواتي من الاب واهل بابا ... لاني لو روحتلهم بطولي هتبهدل ونفسي اشوفهم جدا وخايفه يموتوا او اموت ومشفهمش
انتي في عصمه راجل محدش يقدر يازيكي خلاص
 

تووتا

فتوكة جديدة
اوعي تقوليلهم واوعي تحاوليتنزليها او تمنعي قضاء ربنا دا تعويض ربنا ليكي انا تقريبا نفس ظروفك وحاسه بيكي بصي اللي دمرك زمان امحيه من حياتك
حد فيهم اداكي جنيه
حد فيهم قالك انتي جعانه ولا شبعانه
رمضان والاعياد حد فيهم طبطب عليكي
وانتي قاعده وحيده حد مسح دمعتك ولا حتي حس بيكي
واسئله غيرها كتير
بصي يابنتي عيشي حياتك وسيبي معرفتهم دي للظروف لما تشوفيهم بالصدفة وبطلي تقولي وراهم وتعرفي اخبارهم
وربنا يكملك ع خير
 
مهما كانوا الأهل وحشين مفيش حاجة فى الدنيا تخلى البنت تسيب بيت اهلها و تعمل اللى عملتيه
كلامك صح بس ده فى عيله أب وأم وحد يخاف ويحادى لكن دول كل واحد دور على حاله وهى الى اتظلمت الوم ممنهوش فايده
 
ج

جولي

غير مسجلة
زواجك باطل على فكرة وأسألي مفيش جواز من غير ولي ومن غير إشهار
 
س

سندريلا

غير مسجلة
رجعي علاقتك بأمك هتندمي طول عمرك لو ماتت وانتي بعيده عنها وولادك هيبعدوا عنك داين تدان