بقولها وبكل فخر انا ام البنات واللي مش عوزني انا مش عوزاه

المحتارة

فتوكة ونص
فتكات المحتارة
مبدائيا انا الحمدلله كل خلفتي بنات وانا حاسة اني انسانة محظوظة لانهم ماشاء الله عليهم عسولات هما نور عنيا بس للاسف النانس بتعاملني وحش تقريبا مقاطعني خوفا من الحسد والله انا وحدة شيلت ابنها فيوم بيبي كده ابوسه قسما بالله شدته من ايدي وقالتلي ابني سيبيه انتي متغاظة مني ياام البنات المهم انا انسحبت ومردتش عليها لاني سعيدة ببناتي والله حضن بنتي ليا وانا تعبانة تقولي سلامتك يامامي ولا كله كوم وبنتي الصغيرة كوم اللهم صلي عالنبي علي جمالها عسولة كل يوم ابوس فايديها واقولها انتي نور عينين ماما اللهم لك الحمدياربماما بتقولي ان في باب فالجنة لمكرمي الاناث طيب الناس بيعاملوني كده ليه انا غلط فايه عارفين خالي يوم ولادة من ولاداتي بيقولي معلش العيب من جوزك مش منك قولتله العيب ليه الله اكبر هو نا خلفت اللهم لا اعتراض قرد وعلي فكرة خالي ده راجل مرموق وكلية قمة واستشاري فدولة عربية ده غير مكالمات التعزية اللي بتيجي كل ما اخلف واقول رزقت ببنت تلاقي بقا ياعيني وتلاقي معلش وقبل ما افوق من البنج وحدة بتقولي المرة الجاية ربنا يعوضك طيب وليه هو نا مطلوب مني ايه بالظبط مقولكوش بقا علي حماتي اما ولدت اخر مرة والدكتور كتب لبن صناع للبيبي كانت فضايح مع ان ولاد سلفي هي اللي بتشري لهم علب اللبن بنفسها الوحدة ب40 جنيه يعني حتي شوية اللبن خسارة فبنتي جوزي بقا قالي لما حملت اخر مرة هعمل عقيقة اما تولدي واما ولدت بنت قسما بالله ماجالها حتي كيس سوداني اللهم لا اعتراض انا فرحانة ببناتي وراضية بيهم اللي عاجبة علي راسي واللي مش عاوز يعرفني ميلزمنيش انا مش عوزة اعرفه وحدة جتلي فاخر ولادة من شهور وقالتلي ** بنت تاني ده انا اختي عرفت انها حامل فبنت معيطة من ساعتها والحمدلله عملت سونار فالاخر طلع ولد معلقتش ** مش هعمل عقلي بعقلها وعلي فكرة هي دكتورة يعني مش جاهلة ولا حاجة المهم انا بناتي هما سر سعادتي وسر جمالي اصلي انا ام القمراتاحلى ابتسامة
 


Mariam MOo

فتوكة ونص
ربنا يهدى خليكى واثقة من نفسك وربنا ييسر الحال......دى عقول مريضة ....وبعدين مهو الرسول برضوا ابو البنات ...ودا شرف لجوزك ان يكون ابو البنات زى الرسول عليه الصلاة والسلام
 


ZAhmed

فتوكة لهلوبة
ربنا يسعدك بيهم ويرزقك برهم ويجعلهم مصدر فخر وعزة ليكي ولابوهم
 


ا

ام عمار

غير مسجلة
ربنا يباركلك فيهم يا حبيبتي ياما فيه اولاد بيبقو سبب تعاسة اهاليهم
مفيش فرق بين بنت ولا ولد المهم يبقو بنات صالحات ربنا يهديهم لك
 


م

مامت كوكي

غير مسجلة
هو في احلي من البنات انا في حملي الاول قعدت ادعي تطلع بنت والحمد لله جت بنت ونفسي المرة الي جاية تطلع بنت برضوا وابقي ام البنات هو في احلي من كدة لقب ده البنات فرحة ورزق في ناس بابقي متغاظة وعايزة تبوظ فرحتك وخلاص انا يوم ما عرفت اني حامل في بنت منمتش من الفرحة