٧ خطوات تقدر تعملها مع ولادك ترجعلهم الثقة بنفسهم

fatakat

مديرة الموقع
طاقم الإدارة
١- الاعتذار يعنى تجيب ابنك أو بنتك وتبدأ تقوله أنا أسف أنا اتبعت معاك بعض الأساليب ممكن تكون ضيقتك أنا مكونتش أقصد ده لكن أنا أسف وأنا بحاول في الفترة اللى جاية أحسن من سلوكياتى عشان نعيش جو عائلي مليان حب و هادى .

٢- نغمر ولادنا بالحب وده بأننا نسمحلهم بأنهم يعبروا عن مشاعرهم بدون انتقاد و بدون أوامر عايزين نحسسه هو اد ايه محبوب بدون شروط ( حب غير مشروط) يعنى محبوب من أجل ذاته مش من أجل أي سلوك بيعمله .

٣- فهم ابنك وكلمه عن حكمة ربنا في خلقه وإن ربنا خلقه في أحسن صورة لغاية و هدف في الحياة .

٤- علموا ولادكم يتكلموا كلام إيجابي مع نفسهم يعنى علمه يقول لنفسه مثلا أنا قوى أنا ذكى أنا جميل أنا نشيط أنا أقدر أحقق أحلامى مثلا شكرا يا رب لانك جعلتني في أحسن صورة ومع الوقت الرسايل دى هتستقر في عقله اللاواعى وتصبح جزء من تكوينه .

٥ - ركز على الايجابيات عند ابنك وياريت لو تكتبها بشكل جميل وتعلقها في مكان ظاهر في البيت عشان ابنك يشوفها باستمرار وأعماله كمان دفتر اكتب فيه إنجازاته اللى هو حققها والانجازات دى ممكن تكون أنا نجحت في الانجليزي أو الرياضة أنا نجحت في لعبة معينة حتى ولى كانت الانجازات دى بسيطة بالنسبة ليك بس تخيل بعد خمس سنين هيكون عنده كام دفتر انجازات واد ايه ده هيحسسه إنه إنسان ناجح و ياريت لو تخليه يعلق الشهادات اللى أخدها في غرفته عشان يكون دائما محاط بالايجابية و النجاح .

٦- خليه يلعب رياضة لأن الرياضة بتخرج الطاقة السلبية وياريت لو رياضة جماعية يتقابل فيها مع صحاب جدد يتكلم معاهم ويبقى في ما بينهم تحدى فابنك يحس إن هو بيعمل حاجة لما بيتخطى التحديات دى.

٧- أبدأ أدى لابنك مسؤليات بسيطة وشجعه في كل مرة بينجح فيها إنه ينفذ المسؤوليات دي زى مثلا إنك تسيبه يحاسب في السوبرماركت أو يختار ملابسه ومتعلقش على أى خطأ هو بيعمله سيبه يتصرف لوحده وده بيديله إحساس بالمسؤلية وإن رأيه مهم وبيزود ثقته في نفسه .
 

يمكنك أيضا مشاهدة