بنت ضرتي

المحتارة

فتوكة ونص
فتكات المحتارة
السلام عليكم و رمضان كريم عليكم
باختصار مرات جوزي الاولانية عندها كورونا و جوزي عايز يجيب بنتهم تقعد معانا لغاية ما ماتها تخف المشكلة ان امها ست مفترية جدا و ماشفتش منها غير تصرفات وحشة من اما اتجوزت و افترت عليا كتير و اتهمتني في عرضي و عملت حاجات اكتر من كدة بكتير بس ربنا على الظالم و الحمدلله من ٣ سنين مالناش اي علاقة ببعض و بنتها عندها ٧ سنين و عارفة كويس ان مامتها مكرهاها فيا و مش بتطيقني خالص و انا مش عارفة اعمل ايه اخليه اجيبها عشان اكون ست أصيلة و لا اريح نفسي من وجع الدماغ و اروح بيت اهلي لغاية ماهي تروح؟
 

Mariam MOo

فتوكة ونص
انا بقول جيبيها وحببيها فيكى واستعينى بالله فى كدا.....ربنا هو الى بيتحكم فى القلوب.......اتكلمى معاها ...احكيلها مثلا اى حاجه عن مواقفك مثلا وانتى صغيرة ....كده ...دى طفلة وهتتأثر بسرعة ........خليها هى تحكيلك عن مواقفها فى المدرسة مثلا مع صحابها ...اديها مساحه انها تتكلم وتخرج الى جواها من نحيتك ....حتى لو كان كلام وحش.....وانتى فى ايدك تغيرى فكرتها دى عنك ....بتصرفاتك وافعالك وحنيتك....صحبيها ....لما تلاقى ان علاقتكوا بدأت تتحسن ..قوليلها اى رأيك نبقى صحاب.....صدقينى هتلاقي معاملتها معاكى جميلة جدا ان شاء الله.....اهم حاجه متتكلميش عن امها بطريقة وحشة ابدا حتى لو من غير قصد....ودايما وانتى معاها قوليلها ادعى للمامتك قبل الفطار عشان الدعاء مستجاب....وكدا.....اكسبيها ....بس اهم حاجه متسأليهاش اى اسئلة تخص مامتها ...او تخص بيتها..ومتدخليش جوزك فى مشاكل بينك وبينها حاولى ان انتى الى تحلى المشاكل الى بينك وبينها لوحدك ......................ولو انتى منجحتيش فى كدا ولقيتى ان البنت دى مثلا شوارعية خاااالص فى التعامل معاكى بيئة يعنى ....يبقى خوديها من قصيرها وروحى بيت اهلك لو دا مش هيعملك مشكلة مع جوزك
 

ZAhmed

فتوكة لهلوبة
اولا انتي زوجة تانيه يعني هي الاصل وانتي اخدتي جوزها منها
ثانيا حطي نفسك مكانها هتتقبلي زوجة ثانية عليكي وفلوس جوزك تتقسم عليكوا وحبه وحنانه بقى مش ليكي لوحدك
ثالثا البنت الصغيره ملهاش غير بيت ابوها وبس !مين يعني ياخدها ومين يعتني بيها
كل اللي عليكي تحطي الاكل تشغلي ليها التلفزيون وتعيشي حياتك عادي واتقي الله فيها لانك السبب في حساسية الوضع ده بالنسبة ليها
 

يمكنك أيضا مشاهدة