خلصت جامعة وعملت ماجستير وماعشتش شبابي

المحتارة

فتوكة ونص
فتكات المحتارة
السلام عليكم
معلش انا هحكى مشكلتى وياريت تقوللى اعمل ايه
انت عندى 25 سنه خلصت كليه وكملت ماجستير الحمد لله بس مشكلتى بقا كان نفسي اعيش حياتي اللى هو اطلع اتفسح هنا واعيش حياتى اكلم ده ودة احب واتحب كنت قافله على حياتى خالص ولو ولاد جه واتكلم معايا مكنتش بديله فرصه كنت بخاف جدا
لو زميل ليه اتصل كنت ببهدل الدنيا
بس ساعات بياجى تفكير في بالى هو انا ليه معشتش حياتى بنات كتير بتكلم ولاد ومشيت وراحت واتجوزت ما شاء الله عليهم
طيب هو الزمن اتغير يعنى البنت المحترمه اللى مش ليها فى السهوكه والكلام المايص هتفضل كده ولا ايه بالظبط فهمونى علشان انا فعلا تعبت من التفكير
انا مش عايزه اعمل حاجه تغضب ربنا بس فعلا نفسي احس ان فى حد مشاركني في حياتى
 

Mariam MOo

فتوكة ونص
يا حبيبتى انتى دلوقتى هيتقدملك رجالة كتير ....اختارى الشخص الى ترضى عن دينه وعن اخلاقه.......شخص يكون بيخاف من ربنا منظم فى الصلاة بيتقى ربنا فى كل حاجه...ودا ان شاء الله هو الى هيعيشك كل الى نفسك فيه.....وانتى معملتيش حاجه غلط اياكى تحبى شاب فى التلفون والكلام الفاضى دا......اهتمى بنفسك ادخلى على النت ...اعرفى نوع بشرتك اى واعمليلها مسكات طبيعية ....،اما تبقى قاعدة لوحدك البسى قصير ...حطى ميكب ....اهتمى بشرعك وبجسمك.....ومش معنى انك تهتمى بجسمك انك تعملى رجيم وكدا ....لا قصدى هاتى لوشن لجسمك مثلا..كدا .....كلوا دا عشان انتى انثى ....اهتمى بنفسك عشان انتى انثى .....انوثتنا دى فطرة ربنا فطرنا عليها.....واحنا كبنات بنحب نشوف نفسنا حلوين ....اعملى كدا ....هاتى زيوت طبعيه لشعرك....ادخلى على النت وشوفى مسكات طبعية لشعرك ولبشرتك.....اقرى عن الاستايلات فى اللبس حتى لو مش معاكى اللبس دا حتى لو انتى مش ستايلك اصلا....كفاية انك تبقى بتفهمى فى الستايلات .....شوفى اى الى يريحك واعمليه ....بتحبى اللبس والموضه اقرى فيهم على النت.....بتحبى الميكب ....اقرى فيه....بتحبى الاكسسوارات...بتحبى الرسم ...الغناء ....بتحبى الديكور ...غيرى فى ديكور بيتك او اوضتك ..بتحبى الحيوانات.........واشتغلى انتى معاكى ماجستر ....حسى بقيمتك وحسى بأنوثتك.....قربى من ربنا جدا جدا .....حتحسى براحة كبيرة جدا.....وعززى ثقتك بنفسك...واخرجى مع صحابك ....و لو اهلك مرضيوش اعملى يوم مثلا الجمعة تتكلمى انتى وكل اصحابك فيديو .....وكلوا فى اليوم يبقى عامل حسابه واشتروا كارت فكة ابو ٨جنية ....(على فكرة انا بستعمل ابو ٤ جنية مبيعملش حاجه خاالص فمش بنصح اى حد بيه هههههه)...الحياة مش راجل ياما ناس عاشت وماتت وهما لسه متجوزوش وناس عجزوا وبرضوا لسه ماتجوزوش ...ومبسوطين فى حياتهم عاادى......لو انتى محستيش بأونوثتك ....صدقينى محدش هيحس بيها....
 

ZAhmed

فتوكة لهلوبة
انا منتقبة وجوزي متشدد وقافل عليا انا وبناتي قفلة ما يعلم بيها الا ربنا
حتى زيارات الاهل والتواصل معاهم ممنوع
وممنوع لبس القصير في البيت وممنوع الجينز وممنوع السباحة وممنوع اللعب الاوفي الاماكن الفاضيه وممنوع شراء اللي على مزاجهم وممنوع كتير اوي
واهو معشوش طفولتهم ولا شبابهم ولا خروج ولا اختلاط وانا بأحاول الهيهم في البيت باي حاجه وربنا هواللي يديرها ويصلح الاحوال ملناش غيره وانتي اوعي تعملي حاجة تخليكي تندمي