طلقنى في التليفون

المحتارة

فتوكة ونص
فتكات المحتارة
يا جماعه الحقوني دلوقتي انا اتخانقت اول امبارح انا وجوزي واتطاول عليا لانه انسان عصبي جدا وانا استفزيته لدرجه انه لما ضربني اغمي عليا ولما فوقني قولتله احنا خلاص لحد كده المهم اخدت بنتي ونزلت ولقيته جاي بليل بيقول لماما دى قسيمه الجواز انا بدور علي مأذون وكلهم بيقولولي مفيش طلاق ف رمضان المهم ماما قالتله اللي انت عايزة وانا رديت قولتله طب ارمي عليا اليمين كده ماردش واخد بعضه ونزل
بعدها بيوم مامته اتصلت بماما وشتمتها وشتمت عليا وقالت لماما بنتك لو راحت الشقه انا هكرشها وماما ردت عليها شتمتها والموضوع كبر بعدها لقيته بيكلم ماما بيقولها انتي بتشتمي امي وشتم ماما وقالي انتي طالق في التلفون
دلوقتي انا معايا منه بنت وحامل وهو حاليا كان عند مامته ومشي من عندها لانها مولعه الدنيا وكل اللي بيكلمه قافل التلفون ومحدش عارف هو فين
انا مش عايزة اطلق والله انا قولت كده لانه اول مره يضربني واتحمقت اوي ومش عارفه اعمل ايه فيدوني ربنا يكرمكم
 
أنت عارفه انه عصبي واقفه قدامه ليه ؟
ادعي ربنا يصلح ذات بينكم وسبيه يهدي شويه الطلاق مش بالساهل وخصوصا لو ف اولاد
ويومين تلاته الدنيا تهدي دخلي راجل حكيم ف الموضوع
واتعلمي م الغلطه دي انه لما يكون عصبي متقفيش قدامه ولا تكلميه خالص لحد م يهدي وابقي عتبيه
وكمان محدش م أهلهم يدخلوا بمشاكلكم
 

يمكنك أيضا مشاهدة