جوزى ومرات اخوه

انا واحدة عندي 21سنة ومتجوزة من سنتين وكنت بحب جوزي وبيتي جدا حملت اول ما اتجوزت علي طول بس محصلش نصيب مكملتش نزلتة قيصري واتبهدلت اخر بهدلة المهم اول ما اتجوزت جوزي كان كويس اوي معاية لحد ما اتعلقت بية جدا ومبقتش احب حتي اروح لاهلي من ارتباطي الشديد بية فضلت بعد ماسقط حوالي سنة واربع شهور مايحصلش حمل ولسة يدوب عارفة من شهر كدة اني حامل المهم جوزي بقالة فترة كدة بيعمل حاجات مش مظبوطة وبيقعد علي النت بالساعات واجي اقولة مالك متغير لية يقولي مفيش فجأة جة في بالي انزلة برنامج تسجيل مكالمات علي تليفونة من غير مايعرف ونزلتة ونسيتة وبعد فترة بلعب في تليفونة عادي شوفت البرنامج وافتكرت اني نزلتة فتحت البرنامج وسمعت صدمة حياتي اكتشفت ان في علاقة بينة وبين مرات اخوة الكبير بقالهم خمس سنين وسمعتها بتقولة انت من حقي زيي زيها هي مش احسن مني وبتطلب منة فلوس وجايب لها تليفون وبيقولها حاضر ياحبيبتي هعملك كل اللي انتي عايزاة وتسجيلات بقي بالساعات وجاتلي صدمة في كل الرجالة معتش واثقة فية خالص ولا في اي راجل حتي اخواتي وبابا اي راجل قدامي وحاسة اني عايشة في دنيا مفيش حد شبهي حاسة اني معتش مأمنة لاي حد حاسة اني في غابة بجد وصل بينا الحال لكدة ازاي مع العلم اني اول ما اتجوزنا مكانش معاه فلوس وخليتة يحوش لحد مابقي معاه مبلغ كببر في البنك وبقي بخيل في حقي من ساعة ما مسك فلوس وانا عادي عايشة وراضية بحالي لحد ماسمعت انة بيصرف عليها وبيجبلها كل حاجة انا مش عارفة اعيش وانا دلوقتي في الشهر التاني ومش عارفة اعيش ازاي فيدوني معلش طولت عليكم الكلام
 

يمكنك أيضا مشاهدة

أعلى